१:२, ३—गोठालो केटाले व्यक्‍त गरेको प्रेमका अभिव्यक्‍ति सम्झिनु दाखमद्यझैं र तिनको नाउँचाहिं अत्तरझैं (खासमा तेलझैं) छ भनिन्छ, तर कसरी? जसरी दाखमद्यले मानिसको मन खुस बनाउँछ र शिरमा तेल लगाउँदा सन्चो महसुस हुन्छ, त्यसै गरी गोठालो केटाको प्रेम अनि तिनको नाउँले पनि कन्यालाई बल र सान्त्वना दियो। (भजन २३:५; १०४:१५) येशू ख्रीष्टले आफूहरूप्रति देखाएको प्रेम मनन गरेर साँचो मसीहीहरू, त्यसमा पनि विशेष गरी अभिषिक्‍त जनहरूले बल अनि प्रोत्साहन पाउँछन्‌।

१:२; २:६. विवाह गर्नुअगाडि भेटघाट गर्दा चोखो माया देखाउनु उचित नै हुन सक्छ। तर यस्तो माया पवित्र हुनुपर्छ, अवैध यौनसम्बन्ध राख्न उत्तेजित गर्ने कामवासनाले भरिएको हुनु हुँदैन।—गलाती ५:१९.