६. दानिएललाई साहसी भइरहन कुन कुराले मदत गरेको हुन सक्छ?

^६ दानिएललाई जीवनभर साहसी भइरहन कुन कुराले मदत गरेको हुन सक्छ? दानिएल सानो छँदा तिनका आमाबुबाले पक्कै पनि तिनको लागि राम्रो उदाहरण बसाले। तिनीहरूले इस्राएली आमाबुबालाई दिइएको निर्देशन पालन गर्दै दानिएललाई परमेश्‍वरको व्यवस्था सिकाए। (व्यव. ६:६-९) दानिएललाई दस आज्ञाजस्तो व्यवस्थाका आधारभूत कुराहरू मात्र होइन, गहिरा कुराहरू पनि थाह थियो। जस्तै: इस्राएलीहरूले खान हुने र खान नहुने कुराहरू।b (लेवी ११:४-८; दानि. १:८, ११-१३) दानिएललाई परमेश्‍वरका मानिसहरूको इतिहासबारे राम्रो ज्ञान थियो र व्यवस्था उल्लङ्‌घन गर्दा तिनीहरूले कस्तो नतिजा भोगे भनेर पनि थाह थियो। (दानि. ९:१०, ११) साथै आफूले जीवनमा बटुलेको अनुभवबाट जीवनमा जस्तोसुकै गाह्रो परिस्थिति आए तापनि यहोवा अनि शक्‍तिशाली स्वर्गदूतहरूले मदत गर्नुहुनेछ भन्‍ने कुरामा तिनी ढुक्क हुन सके।—दानि. २:१९-२४; १०:१२, १८, १९.