शिक्षण पेटी १८क
यहोवा ठूलो लडाइँको चेतावनी दिनुहुन्छ
बाइबलमा भविष्यमा हुने निर्णायक लडाइँबारे थुप्रै भविष्यवाणी गरिएको छ, जुन लडाइँमा यहोवा परमेश्वरले उहाँ र उहाँका मानिसहरूको विरोध गर्ने सबैलाई नाश गर्नुहुनेछ। तल त्यस्तै केही भविष्यवाणी उल्लेख गरिएका छन्। ती चेतावनीहरूबीच के-कस्ता समानता छन्, याद गर्नुहोस् अनि यहोवाले ती चेतावनीहरू सबै मानिसले सुन्न पाऊन् र तिनीहरूले कदम चाल्न सकून् भनेर के गर्नुभएको छ, त्यो पनि याद गर्नुहोस्।
पुरातन इस्राएलमा
इजकिएल: ‘ “म आफ्ना सबै पहाडमा गोगविरुद्ध तरबार चलाउने आदेश दिनेछु,” ब्रह्माण्डका मालिक यहोवा घोषणा गर्नुहुन्छ।’—इज. ३८:१८-२३.
यर्मिया: “[यहोवा] आफैले हरेक मानिसको इन्साफ गर्नुहुनेछ अनि दुष्टहरूलाई भने तरबारले प्रहार गर्नुहुनेछ।”—यर्मि. २५:३१-३३.
दानिएल: “स्वर्गका परमेश्वरले एउटा राज्य खडा गर्नुहुनेछ, . . . त्यसले यी सबै राज्यलाई चकनाचुर पारिदिनेछ र तिनीहरूको नामोनिसान मेटिदिनेछ।”—दानि. २:४४.
इस्वी संवत् प्रथम शताब्दीमा
येसु: “त्यतिखेर यस्तो महासङ्कष्ट हुनेछ, जुन संसारको सुरुवातदेखि अहिलेसम्म भएको छैन।”—मत्ति २४:२१, २२.
पावल: “येसु आफ्ना शक्तिशाली स्वर्गदूतहरूसित . . . प्रकट हुनुहुनेछ र ज-जसले परमेश्वरलाई चिन्दैनन् . . . तिनीहरूसित बदला लिनुहुनेछ।”—२ थिस्स. १:६-९.
पत्रुस: “यहोवा परमेश्वरको दिन चोर आएझैँ आउनेछ। . . . अनि पृथ्वी र त्यहाँ गरिएका कामहरू पर्दाफास हुनेछन्।”—२ पत्रु. ३:१०.
युहन्ना: “राष्ट्रहरूलाई प्रहार गर्न [येसुको] मुखबाट लामो धारिलो तरबार निस्कन्छ।”—प्रका. १९:११-१८.
आधुनिक समयमा
बाइबल अहिलेसम्मकै सबैभन्दा धेरै भाषामा अनुवाद र वितरण भएको किताब हो
यहोवाका आधुनिक समयका सेवकहरू . . .
सयौँ भाषामा अरबौँ प्रति बाइबलआधारित साहित्यहरू वितरण गर्छन्
प्रचारकार्यमा प्रत्येक वर्ष करोडौँ घण्टा बिताउँछन्