Oshitopolwa shaagundjuka

Yanda oombepo dhoompwidhuli!

Omalombwelo: Edhewo ndika li ningila pehala pwa mwena nawa. Sho to lesha omanyolo, kala wa fa wu wete opo wu li poshiningwanima shoka. Kala wa fa wu wete shoka tashi ningwa po. Kala wa fa wu uvite sho aantu taya popi. Kala naanaa wa fa wu uvite ngaashi mboka taya popiwa mehokololo. Li mwenyopaleka.

1 KONAKONA OSHININGWANIMA SHOKA.—GENESIS 6:1-6 NOSHO WO IILONGA 19:11-20.

Hokolola kutya Aalefule oya li ya fa peni, pakutala ngaa kwoye.

․․․․․

Mbela sho to tala aalumentu mboka ya popiwa mIilonga 19:13-16 oya li yu uvite naanaa ngiini sho ya tsakanene nomuntu e na oombepo dhoompwidhuli?

․․․․․

2 KONAKONA MUULE OSHININGWANIMA SHOKA.

Longitha iikwaniipangitho yokukonga omauyelele mbyoka wu na opo wu mone uuyelele owundji kombinga yAalefule. Mbela sho to tala omolwashike naanaa ya li ye na egamo lyokulonga uukolokoshi?

․․․․․

Okomukalo guni taku vulu okutiwa kutya oompwidhuli odha li ‘dha thigi po ehala lyadho dhene’? (Lesha Judas 6.) Mbela sho to tala omolwashike kaasha li paunshitwe sho dha li dhi ikongele aakulukadhi kombanda yevi?

․․․․․

Omahokololo ngoka wa lesha otage ku lombwele shike kombinga yankene omahalo gomilalo noguukolokoshi taga ti pii monkalamwenyo yoompwidhuli?

․․․․․

3 TULA MIILONGA SHOKA WI ILONGO. NYOLA SHOKA WI ILONGA KOMBINGA  . . .

Yegamo lyoompwidhuli lyokukala dhi na onyanya nolyokwiihola dho dhene.

․․․․․

SHOKA TO VULU OKUTULA MIILONGA NATANGO.

Molwaashoka oompwidhuli itadhi vulu we okwiikongela omalutu gopanyama, omomikalo dhini tadhi vulu oku ku nwetha mo?

․․․․․

Omainyanyudho geni kunena hagu ulike iikala yoompwidhuli nosho wo shoka dhi hole?

․․․․․

Ongiini to vulu okuulika kutya owa tokola toko okuhenuka enwethomo lyoompwidhuli? (Lesha ishewe Iilonga 19:18, 19.)

․․․․․

4 OSHITOPOLWA SHINI MOMAHOKOLOLO NGAKA TASHI TI SHA UNENE KUNGOYE, NOMOLWASHIKE?

․․․․․

Opo wu tape nenge wu pilinte oshitopolwa shika, inda ko-www.jw.org