‘Gamena omutima gwoye!’
oshigongi shoshitopolwa shOonzapo dhaJehova
OSHIPALANYOLO SHOMOLYOMAKAYA
‘OMUWA oha tala momutima’—1 SAMUEL 16:7.
OSHIPALANYOLO SHOMOSOONDAHA
“Shoka shu udhilila momutima, osho shoka okana take shi popi”—MATEUS 12:34.
OSHIPALANYOLO SHOMETITANO
‘Longela Kalunga nomutima aguhe’—1 ONDJALULO 28:9.
Omutima ogwa tumbulwa mOmbiimbeli lwiikando tayi ihilile peyuvi. Olundji Omanyolo itaga popi omutima gogwene gwopanyama, ihe otaga popi omutima gwopathaneko. Omutima gwopathaneko oshike? Uutumbulilo mboka otawu vulu okuulika kunkene omuntu e li meni ano tu tye kwaashoka omuntu ha dhiladhila, ha kala u uvite nosho wo kwaashoka ha kala a hala.
Omolwashike tu na okugamena omutima gwetu gwopathaneko? Kalunga okwa li i inyengitha omukwaniilwa Salomo a nyole ta ti: ‘Gamena omutima gwoye shi vulithe ayihe mbyoka yi na okugamenwa, oshoka omo mu na ekota lyomwenyo.’ (Omayeletumbulo 4:23, yelekanitha NW.) Ongushu yonkalamwenyo yetu ngashingeyi nosho wo etegameno lyetu lyonakuyiwa olyi ikolelela konkalo moka omutima gwetu gwopathaneko gu li. Omolwashike mbela? Omolwaashoka Kalunga oha mono shoka shi li momitima dhetu. (1 Samuel 16:7) Kalunga oha tokola kutya oku tu uvitile ngiini, shi ikolelela ‘komuntu gwomeni gwokomwenyo’ nenge tu tye kwaashoka tu li meni.—1 Petrus 3:4, OB-1954.
Oshike tashi vulu oku tu kwathela tu gamene omitima dhetu? Epulo ndyoka otali yamukulwa piigongi yOonzapo dhaJehova mbyoka ya tamekele okuningwa muMei muuyuni auhe. Oto hiywa nesimaneko enene wu ye koshigongi shika omasiku agehe gatatu.a Shoka to ki ilonga ko otashi ke ku kwathela wu kale ho ningi iinima mbyoka tayi nyanyudha omwenyo gwaJehova Kalunga.—Omayeletumbulo 27:11.
[Enyolo lyopevi]
a Opo wu mone kutya oshigongi shoka shi li popepi nangoye otashi ningilwa peni nuunake, tala kondjukithi yetu yokOintaneta, www.jw.org. Oto vulu wo okukwatathana nOonzapo dhaJehova ndhoka dhi li moshitopolwa sheni nenge wu nyolele kaanyanyangidhi yoshifo shika.
[Edhina lyomuthaneki gwethano pepandja 32]
Ethano kolulyo: Aus dem Fundus der MÜNCHNER OLYMPIAPARK GMBH, München