Oto dhimbulukwa?

Owa lesha ngaa nawa iifo yOshungolangelo mbyoka opo ya zi ko? Tala ngele oto vulu okuyamukula omapulo taga landula:

Mbela oonkondo dhaSimson odha li hadhi zi momafufu ge?

Oonkondo dhaSimson kadha li hadhi zi momafufu ge. Ihe omafufu ge oga li ge lile po ekwatathano lyi ikalekelwa ndyoka a li e na naKalunga e li Omunasiri. Ekwatathano ndyoka olya li lya gumwa sho Delila a kululitha ko omafufu ge.—4/15, epandja 9.

Mokuyelekanitha nomutima gwetu gwolela, iinima itatu yini tayi vulu okukaleka omitima dhetu monkalo yi li nawa?

(1) Iipalutha. Opo omutima gwetu gu kale gu na uukolele otwa pumbwa okulya iikulya yi na iitungithi ya gwana. (2) Omadhewo. Opo gu longe nawa, otwa pumbwa okukala hatu kutha ombinga nuulaadhi muukalele. (3) Omudhingoloko. Otatu vulu okushonopeka eendathano lyetu naantu mboka ye na enwethomo ewinayi mokukala hatu endathana nooitaali ooyakwetu mboka ye na ko nasha natse.—4/15, epandja 16.

Ongiini omuntu ta vulu okumanguluka ko kiinima yuumpulile?

Henuka kehe shimwe shoka tashi monika sha fa shi na ekwatathano niinima yi na ko nasha nuumpulile. (Iil. 19:19, 20) Ninga oonkambadhala dha mana mo wu ‘hedhe kuKalunga’ neinekelo kutya ota vulu oku ku kwathela wu manguluke ko kenwethomo lyoompwidhuli note ke shi ku ningila. (Jak. 4:7, 8)—7/1, epandja 12.

Omolwashike ngoka ta gandja oshipopiwa shefumviko kee na okulongitha Episalomi 116:15 mokupopya nakusa?

Enyolo otali ti: “Momeho gaJehova eso lyaapiya ye aadhiginini oli na ondilo.” Shika otashi ti kutya Kalunga okwa tala ko eso lyaapiya ye ayehe li na ongushu. Ita ka pitika aapiya ye ayehe aadhiginini ye li ongundu ya kombwe ko kombanda yevi.—5/15, epandja 22.

Aataandelithi yiileshomwa ohayi ithanwa oolye kunena?

Okuza mo 1931, “aataandelithi yiileshomwa” oya tameke okwiithanwa “aakokolindjila.”—5/15, epandja 31.

Omolwashike omukalo moka Jesus a si gwa li gwi imbi Aajuda yamwe ya ninge Aakriste?

Omugandjimayele gumwe okwa ti kutya Aajuda yomethelemumvo lyotango oya li ya tala omukalo moka Jesus a si “gu sitha ohoni noonkondo.” Aantu yopethimbo ndyoka oya li ye shi tala ko kutya omukalo moka omuntu a si otagu ulike kutya okwa li e li ngiini. Onkee ano, Jesus okwa li a talika ko kutya oku li omulongi gwiikulumuna.—7/1, epandja 13.

‘Omaukwaniilwa nenge iilongo’ mbyoka ya popiwa muDaniel 2:44 otayi thaneke oolye?

Ehunganeko ndyoka otali popi owala omaukwaniilwa ngoka taga thanekwa kiitopolwa yi ili noyi ili yoshiyelekela shoka sha fatululwa kuDaniel.—6/15, epandja 17.

Uunake epangelo enankondo ndyoka tali popiwa mOmbiimbeli, Anglo-Amerika lya ningi epangelo enankondo etiheyali lyuuyuni?

Epangelo ndika enankondo muuyuni, olya tameke owala okulonga sho Britania nIilongo ya Hangana ya tameke okulongela kumwe momukalo omundhindhilikwedhi, pethimbo lyIitya yotango yUuyuni.—6/15, epandja 19.

Omakotampango gamwe geni taga vulu oku ku kwathela wu hogolole onakuyiwa ombwanawa?

Dhiladhila kiizemo mbyoka to ka mona omolwetokolo lyoye. (Omayel. 22:3) Tala kutya oshini to li po naashoka to pe po oombwa. Tala kutya etokolo lyoye otali ka guma ngiini onakuyiwa yoye yaaluhe. (Omayel. 21:5) Longa nuudhiginini wu gwanithe po omalalakano goye. (Joh. 17:3)—7/1, epandja 18-19.

Omakotampango gOmbiimbeli gamwe geni taga vulu oku ku kwathela wu hupe nokashona hoka ho mono?

Yalula kutya oompumbwe dhoye otadhi ke ku pula ingapi. (Luk. 14:28) Ninga omalunduluko mokukalamwenyo kwoye. (Omayel. 22:3) Kala wi ilongekidha okutaamba eithano epe. (Omayel. 29:25) Kala wa gwanenwa. (Fil. 4:11, 12)—7/1, epandja 20-21.