Oshiningwanima shoka kuu na okuhunutha

Kongulohi ndjoka manga inaa gandja omwenyo gwe, Jesus okwa li a lombwele aalanduli ye aadhiginini ya dhimbulukwe ekuliloyambo lye. Mokulongitha oshikwiila inaashi tulwa efulika nosho wo omaviinu omatiligane, okwa li a dhike po shoka sha kala nokwiithanwa Uulalelo waHugunina nenge Uulalelo wOmuwa nokwa gandja oshipango a ti: “Shi ningeni nokudhimbulukwa ndje.” — Lukas 22:19.

Omumvo kehe, Oonzapo dhaJehova muuyuni awuhe ohadhi gongala dhi dhane eso lyaJesus mesiku ndyoka a sile. Mo-2014, Edhimbuluko otali ka kala ko mOmaandaha, 14 Apilili, ngele etango lya ningine.

Oto hiywa nesimaneko kokugongala huka, mpoka tapu ka gandjwa uuyelele wa gwedhwa po kombinga yaashoka eso lyaJesus lyopayambo tali thaneke. Okukala poshiningwanima shika ihaku futilwa. Itapu ka umbwa ongalo. Omuntu ngoka e ku pe oshifo shika ota vulu oku ku lombwela ethimbo nehala mpoka tapu ka ningilwa Edhimbuluko lyomoshitopolwa sheni, nenge oto vulu okuya kepandja lyetu lyokOintaneta ko-jw.org. Ndhindhilika oshiningwanima shika. Otu na einekelo kutya ito ke shi hunutha.