Edhimbuluko lyeso lyaJesus otali ka ningwa uunake nopeni?

Ongulohi ndjoka yatetekele eso lye, Jesus okwa li a lombwele aalanduli ye ya dhimbulukwe eyambo ndyoka a li e li pokuninga. Okwe ya lombwele a ti: “Shi ningeni nokudhimbulukwa ndje.” — Lukas 22:19.

Nuumvo, Edhimbuluko lyeso lyaJesus otali ka ningwa uunake nopeni? Oli li ko mEtitano mu 3 Apilili, ngele etango lya ningine. Oonzapo dhaJehova otadhi ku hiya pamwe naanegumbo yaandjeni mu ye mu kale po, opo mu pulakene koshipopiwa shoka tashi ka yelitha kutya omolwashike eso lyaJesus lya simanenena, nankene to vulu okumona mo uuwanawa.