Shoka tatu vulu okutya ngele tatu gandja iifo

Oshungolangelo 1 Januali

“Onda hala tu leshe pamwe nangoye ovelise yimwe yi li mpaka. [Lesha Lukas 23:43.] Mbela Oparadisa ndjoka tayi popiwa movelise ndjika oyi li peni? [Tegelela a yamukule.] Oshifo shika, pepandja etimu-10, otashi gandja eyamukulo lya yela kepulo ndyoka okuza mOmbiimbeli.”

Awake! Januali

“Aantu yamwe oyi itaala kutya mboka hayi iti aalongelikalunga oya lyalyakana nokaye na omatompelo gasha kutya omolwashike ye li ooitaali. Mbela nangoye osho wu uvite ngawo? [Tegelela a yamukule.] Ombiimbeli otayi ti kutya katu na okwiitaala owala kehe ombepo. [Lesha 1 Johannes 4:1.] Moshifo shika pepandja 28, omu na oshitopolwa shoka tashi yelitha kutya ongiini tatu vulu okushilipaleka kutya shoka twi itaala oshi na ekankameno lya kola.”

Oshungolangelo 1 Febuluali

“Aantu oyendji ohaya ti kutya oshikunino shaEden kasha li ko shili. Mbela sho to tala Adam naEva aantu ya li ko shili?” [Tegelela a yamukule.] Tala shoka Jesus a ti muMateus 19:4-6. (Lesha.) Oshifo shika otashi yamukula omapulo gamwe ngoka haga pulwa olundji kombinga yoshikunina shaEden.”

Awake! Febuluali

“Aantu oyendji kunena oye na ohokwe miinima ya nika uumpulile, uunganga nokwaanekela. Mbela sho to tala iinima mbyoka otayi vulu okweetela omuntu uupyakadhi? [Tegelela a yamukule.] Tala kelondodho ndyoka Kalunga a li a pe Aaisraeli yonale. [Lesha Deuteronomium 18:10-12.] Oshifo shika otashi kundathana shoka Ombiimbeli tayi ti kombinga yuumpulile.”