Jehova ihe ekelehi mboka ya dhengwa pevi

Episalomi 51 olya li lya nyolwa kuDavid konima sho omuhunganeki Natan a popi naye kombinga yeyono lye lya kwata miiti naBatseba. Eiyuvo lyaDavid olya li tali mu nyenyetele, opo nee okwa hempulula neifupipiko eyono lye. — 2 Sam 12:1-14.

Nonando David okwa li a yona, okwa li ta vulu okukala ishewe e na ekwatathano ewanawa naJehova

51:3, 4, 8-12, 17

• Manga David ini iyela ombedhi nokwiihempulula, eiyuvo lye olya li tali mu nyenyetele noka li we a nyanyukwa

• Okwa li ta mono iihuna noonkondo sho kaa li we a hokiwa kuKalunga, nokwa li uvite ngaashi omuntu e na omasipa ga tekauka

• Okwa li a halelela edhiminopo, okukala e na ekwatathano ewanawa naKalunga, nokukala e na ishewe enyanyu ndyoka a li e na nale

• Okwi indile Jehova neifupipiko e mu kwathele a kale e na ombepo yevuliko

• Okwa li e na einekelo kutya Jehova ote mu dhimine po