Shoka tashi ulike kutya Jehova oha yambeke aantu

8:6-9, 12; 9:1-5, 23, 24

Jehova okwa li a tumu omulilo, e ta lungunitha po efikilondjambo lyotango pokulangekwa po kwaayambi yomezimo lyaAaron. Shika osha li tashi ulike kutya Jehova ota ambidhidha nokwa hokwa elongekidho ndyoka. Onkee Jehova okwa li a ladhipike Aaisraeli mboka ya li ya gongala mpoka noya mono shoka tashi ningwa ya ambidhidhe thiluthilu aayambi mboka. Kunena, Jehova ota longitha Jesus Kristus e li Omuyambi omukuluntu. (Heb 9:11, 12) Mo 1919, Jesus okwa li a langeke po okangundu okashona kaalumentu aagwayekwa ka ninge “omupiya omudhiginini nomunandunge.” (Mat 24:45, yelekanitha NW.) Uumbangi wuni tawu ulike kutya Jehova ota yambeke, ota ambidhidha nokwa hokwa omupiya omudhiginini nomunandunge?

• Nonando omahepeko ota ga tsikile, omupiya omudhiginini ota tsikile noku tu pa uuyelele mboka tawu koleke eitaalo lyetu

• Ngaashi sha hunganekwa, onkundana ombwanawa otayi uvithilwa “uuyuni awuhe.” — Mat 24:14, NW

Ongiini tatu vulu okwaambidhidha thiluthilu omupiya omudhiginini nomunandunge?