Mbela oho mono ngaa nkene omagalikano goye taga yamukulwa?

MOmbiimbeli omu udha iiholelwa oyindji yaantu mboka omagalikano gawo ga li ga yamukulwa kuJehova. Sho aapiya yaKalunga ya li ya mono nkene Jehova a pulakene komaupyakadhi gawo nankene e ya kwathele, osha li lela sha koleke eitaalo lyawo. Onkee ano, oshi li nawa ngele otwa kala hatu popi iinima kondandalunde momagalikano getu nokutala nkene Jehova te ga yamukula. Kaleka momadhiladhilo kutya otashi vulika a yamukule omagalikano getu momukalo ngoka inaatu tegelela nenge shi vulithe pwaashoka twa pula. (2Kor 12:7-9; Ef 3:20) Omomikalo dhini Jehova tashi vulika a yamukule omagalikano getu?

• Otashi vulika e tu kwathele tu kale twa kola palutu, pambepo notwa ngungumana, sho tatu ungaunga nuupyakadhi. — Fil 4:13

• E tu pe uunongo, opo tu ninge omatokolo gopandunge. — Jak 1:5

• E tu pe ehalo noonkondo tu ninge oshinima shontumba. — Fil 2:13

• E tu kwathele tu kale twa ngungumana, uuna tu na iimpwiyu. — Fil 4:6, 7

• A longithe yalwe ye tu pe ekwatho lyopalutu nenge ye tu tse omukumo. — 1Joh 3:17, 18

• A kwathele mboka hatu kwatele momagalikano getu.  — Iil 12:5, 11

TALA OKAVIDIO JEHOVA ‘OMUUVI GWOMAGALIKANO,’ E TO YAMUKULA OMAPULO NGAKA:

• Oshimoniwa shomumwatate Shimizu otashi vulu ngiini oku tu tsa omukumo, ngele ihatu vulu okulonga oshindji, omoluukolele?

• Ongiini tatu vulu okuholela oshiholelwa shomumwatate Shimizu?