Konga ehala ewanawa nokukonakonena

Mbela owa hala okwiilonga oshindji mekonakonombiimbeli lyoye lyopaumwene? Omaetopo ngaka taga landula, otaga vulu oku ku kwathela, wu gandje eitulomo pethimbo to konakona:

• Hogolola ehala tali opalele. Ngele otashi vulika, konga ehala ndyoka lya yela noli na uuyelele wa gwana. Oto vulu okukuutumba poshitaafula nenge wu hogolole ehala ewanawa li li pondje.

• Konga ehala to vulu okukala po ongoye awike. Jesus okwa li a hogolola a ka galikane ‘ongula onene kehala li ikalela.’ (Markus 1:35) Ngele ito vulu okukala wa ikalela, oto vulu okutseyithila yaandjeni kutya oho konakona ethimbo lini, e to ya lombwele kaaye ku piyaganeke pethimbo ndyoka.

• Ino etha wu piyaganekwe. Ngele oho longitha okatableta nenge ongodhi yoye yopeke, yi tula momukalo moka itaayi vulu oku ku piyaganeka. Pethimbo to konakona, ngele owa dhiladhila kombinga yoshinima shontumba shoka wa pumbwa okuninga, shi nyola, opo wu ke shi ninge lwanima. Ngele owu wete oshidhigu okugandja eitulomo, fudha po kashona, e to ka enda mo nenge wu ninge omadhewo.