Okuthaneka omathano ohaku kwathele omuntu a dhimbulukwe shoka a ilonga

Ngaashi oyendji yomutse, nangoye otashi vulika ho shi mono oshidhigu okudhimbulukwa shoka wa konakona. Ohashi kala oshipu okudhimbulukwa shoka Jesus a longa, molwaashoka olundji okwa li ha longitha omathaneko. Oto vulu oku ga thaneka momadhiladhilo, naashono ohashi ku kwathele wu ga dhimbulukwe. Sha faathana, oto vulu okudhimbulukwa oshindji shoka wa konakona, mokukambadhala oku shi thaneka momadhiladhilo. Mbela ongiini to vulu oku shi ninga? Omokuthaneka omathano sho to ilongo.

Aantu mboka haya thaneke omathano giinima iipe mbyoka ya ilonga, olundji ohaye ga dhimbulukwa. Okuthaneka omathano ihaku ya kwathele owala ya uve ko nawa iitya, ihe oya uve ko wo omanenedhiladhilo kombinga yaashoka taya ilongo. Omathano gawo ihaga kala ga kitakana, ihe oge li paunathangwa. Uumbangi owa ulika kutya aakuluntu otaya vulu lela okumona mo uuwanawa, uuna taya longitha omukalo ngoka.

Oshikando ta shi ya sho to konakona, oto vulu okukambadhala okuthaneka omathano gamwe kombinga yaashoka wa ilonga. Oto ka kala wa kuminwa shoka to ka dhimbulukwa.