Odhi itaala shike?
OONZAPO DHAJEHOVA odhi itaala muKalunga Omunankondoadhihe, Jehova, Omushiti gwegulu nogwevi. Uushili kutya opu na iikumithalonga ya kitakana meshito alihe lye tu dhingoloka otau ulike kutya Omushiti omunandunge a shiga ko noku na oonkondo oye a shiti ayihe. Ngaashi naanaa iilonga yaalumentu noyaakiintu hayi ulike omaukwatya gawo, osho naambyoka yaJehova Kalunga hayi shi ulike wo. Ombimbeli otayi tu lombwele kutya ‘omaukwatya ge gaa wetike ohaga dhimbululwa, hela tuu uuyuni wa shitwa, omiinima mbyoka ya shitwa.’ Nopwaa na ewi nenge oohapu, “egulu tali hokolola esimano lyaKalunga.”—Aaroma 1:20, yelekanitha NW; Epsalmi 19:2-5.
Aantu ihaya hongo iiyuma yeloya nenge ya ninge oTV nosho wo ookompiuta kaaye na elalakano. Evi niishitwa yalyo yi na omwenyo, iimeno niinamwenyo oyi li iikumithi noonkondo. Omutungilo gwolutu lwomuntu pamwe nuuntimbu walyo omabiliyona otagu tu nyenge okuuva ko—nokuli uuluyi mboka hatu dhiladhila nawo, ou li wo tau nyengana okuuviwa ko! Ngele aantu ohaye eta po nelalakano iiyetwa po yawo mbyoka konyala kaayi na esimano lyasha, dhoshili, Jehova Kalunga naye ke na tuu elalakano meshito lye ekumithi! Omayeletumbulo 16:4 (OB-1986) otaga ti kutya osho: “Iinima ayihe OMUWA okwe yi shitile elalakano lye.”
Jehova okwa shiti evi nelalakano, ngaashi a li e shi lombwele aantu yaali yotango a ti: “Kaleni mu na oluvalo, indjipaleni, nevi mu li udhithe aantu, ne mu li pangele, niikwameya yomomafuta yi pangelii wo noondhila dhokegulu niinamwenyo ayihe hayi yangagula kevi.” (Genesis 1:28) Molwashoka aahokanathani mbano inaya vulika, oya nyengwa okuudhitha evi nomaukwanegumbo omayuuki ngoka ga li ge na okutonatela nohole evi nosho wo iimeno niinamwenyo yalyo. Ihe molwaashoka oya ponyo, itashi ti kutya elalakano lyaJehova nalyo olya ponyo. Konima yoomvula omayuvi, opwa li pwa nyolwa taku tiwa: ‘Kalunga oku umbu evi, ye ine li shita, li mbugale.’ Okwe “li shitile [okukalwa].” Kali na okuhanagulwa po, ihe “evi olyo tali kala po aluhe.” (Jesaja 45:18; Omuuvithi 1:4) Elalakano lyaJehova li na ko nasha nevi otali ka gwanithwa: “Eutho lyandje tali ka kwata, shaa shoka [nde] shi hala, otandi shi gwanitha.”—Jesaja 46:10.
Onkee ano, Oonzapo dhaJehova odhi itaala kutya evi otali ka kala po sigo aluhe nonokutya aantu ayehe, aanamwenyo naasi, mboka taya ka kala metsokumwe nelalakano lyaJehova li na ko nasha nevi ekaliwa newanawa, otaya ka vula okukala mo sigo aluhe. Aantu ayehe oya thigulula okwaagwanenena kuAdam naEva nonkee ano oye li aalunde. (Aaroma 5:12) Ombimbeli otayi tu lombwele tayi ti: “Ondjambi yuulunde oyo eso.” “Aanamwenyo oye na owino, oyo ye na okusa po, ihe oonakusa kaye shi sha.” “Omwenyo nguka tagu yono—ogwo gu na okusa.” (Aaroma 6:23; Omuuvithi 9:5; Hesekiel 18:4, 20) Ongiini ano taya vulu okukala nomwenyo ishewe nokukala ye na ombinga momalaleko nuuyamba gokombanda yevi? Omokupitila owala mekuliloyambo lyaKristus Jesus, oshoka okwa ti: “Ongame eyumuko nomwenyo; oongoka [e na eitaalo tali longo mungame, NW ], oye ta kala e na omwenyo, nando na kale a sa.” “Ayehe mboka ya kala moombila, otaa uvu ewi lye, e [taa] holoka mo.”—Johannes 5:28, 29; 11:25; Mateus 20:28.
Shika otashi ka ningwa ngiini? Otashi yelithwa ‘monkundana ombwanawa yuukwaniilwa,’ ndjoka Jesus a li a tameke okuuvitha manga a li kombanda yevi. (Mateus 4:17-23, yelekanitha NW.) Ihe nena Oonzapo dhaJehova otadhi uvitha onkundana ombwanawa momukalo gwi ikalekelwa noonkondo.
[Omusholondondo/okaalita/oshimpungu pepandja 13]
OMALONGO NGOKA OONZAPO DHAJEHOVA DHI ITAALA
Elongo Etompelo lyopamanyolo
Ombimbeli oyo Oohapu 2 Tim. 3:16,17;
dhaKalunga nodho oshili 2 Pet. 1:20, 21; Joh. 17:17
Ombimbeli oyi shi okwiinekelwa Mat. 15:3; Kol. 2:8
yi vulithe omithigululwakalo
Edhina lyaKalunga oJehova Eks. 15:3; 1 Sam. 2:2, 3;
Aatok. 5:5
Kristus oye omushitwa gwotango Kol. 1:15; Eh. 3:14
a shitwa kuKalunga
Kristus okwa sile koshiti, Gal. 3:13; Iil. 5:30
hakomushigakano
Omwenyo gwaKristus gwopantu Mat. 20:28;
ogwa li gwa futwa gu li iikulila 1 Tim. 2:5, 6;
omolwaantu aavuliki 1 Pet. 2:24
Eyambo lyaKristus limwe alike Rom. 6:10; Heb. 9:25-28
olya li lya gwana
Kristus okwa yumuka kuusi e li 1 Pet. 3:18; Rom. 6:9;
omuntu gwopambepo ihaa si Eh. 1:17, 18
Okukala po kwaKristus Joh. 14:19; Mat. 24:3;
okwopambepo 2 Kor. 5:16; Eps. 110:1, 2
Otu li ngashingeyi ‘methimbo Mat. 24:3-14; 2 Tim. 3:1-5;
lyehulilo’ Luk. 17:26-30
Uukwaniilwa u li moshikaha Jes. 9:5, 6; 11:1-5;
shaKristus otau ka pangela evi Dan. 7:13, 14;
pauyuuki nonombili Mat. 6:10
Uukwaniilwa otau ke eta oonkalo Eps. 72:1-4;
oombwanawa lela dhokukala Eh. 7:9, 10, 13-17;
nomwenyo kombanda yevi 21:3, 4
Evi itali ka hanagulwa po nando Omuuv. 1:4;
nenge ku kale kaaku na we aantu Jes. 45:18; Eps. 78:69
Kalunga ota ka hanagula po Eh. 16:14, 16; Sef. 3:8;
onkalelo yiinima yongashingeyi Dan. 2:44; Jes. 34:2;
polugodhi lwaHarmagedon 55:10, 11
Aakolokoshi otaya ka hanagulwa Mat. 25:41-46;
po sigo aluhe 2 Tes. 1:6-9
Aantu mboka ya hokiwa kuKalunga Joh. 3:16; 10:27, 28;
otaya ka mona omwenyo gwaaluhe 17:3; Mark. 10:29, 30
Opu na owala ondjila yimwe ayike Mat. 7:13, 14;
tayi fala komwenyo Ef. 4:4, 5
Okusa kwaantu okwe etithwa Rom. 5:12; 6:23
kuulunde waAdam
Oheli oyo ombila yaantu ayehe Job 14:13, Dy;
Eh. 20:13, 14, AV
(enyolo kombanda yomusinda)
Oonakusa oye na etegameno 1 Kor. 15:20-22;
lyokuyumuka Joh. 5:28, 29; 11:25, 26
Eso ndyoka lye etithwa kuAdam 1 Kor. 15:26, 54;
otali ka hula po Eh. 21:4; Jes. 25:8
Oshigunda oshishona owala sho Luk. 12:32; Eh. 14:1, 3;
144 000 tashi yi megulu noku 1 Kor. 15:40-53;
ka pangela pamwe naKristus Eh. 5:9, 10
Aantu 144 000 oya valululwa 1 Pet. 1:23; Joh. 3:3;
ye li oyana yaKalunga yopambepo Eh. 7:3, 4
Ehangano epe olya ningwa naIsrael Jer. 31:31; Heb. 8:10-13
shopambepo
Egongalo lyaKristus olya tungilwa Ef. 2:20; Jes. 28:16;
kuye Mat. 21:42
Omagalikano oge na okuukithwa Joh. 14:6, 13, 14;
kuJehova awike okupitila muKristus 1 Tim. 2:5
Iiyelekelakalunga kayi na okulongithwa Eks. 20:4, 5; Lev. 26:1;
melongelokalunga 1 Kor. 10:14; Eps. 115:4-8
Uumpulile ou na okuyandwa Deut. 18:10-12;
Gal. 5:19-21; Lev. 19:31
Satana oye omupangeli guuyuni 1 Joh. 5:19; 2 Kor. 4:4;
ihaa monika Joh. 12:31
Omukriste ke na okukala e na 2 Kor. 6:14-17; 11:13-15;
ombinga moongundu ndhono hadhi Gal. 5:9; Deut. 7:1-5
lumbakanitha omaitaalo
Omukriste oku na okukala Jak. 4:4; 1 Joh. 2:15;
a yooloka ko kuuyuni Joh. 15:19; 17:16
Vulika koompango dhaantu ndhoka Mat. 22:20, 21;
itaadhi kondjithathana noompango 1 Pet. 2:12; 4:15
dhaKalunga
Okutulwa ombinzi molutu tayi pitile Gen. 9:3, 4; Lev. 17:14;
kokana nenge momithipa otashi yono Iil. 15:28, 29
oompango dhaKalunga
Otu na okuvulika koompango 1 Kor. 6:9, 10;
dhOmbimbeli dhi na ko nasha Heb. 13:4; 1 Tim. 3:2;
nomikalo Omayel. 5:1-23
Israel oye owala a li e na Deut. 5:15, KB; Eks. 31:13, OB-1986;
okudhana Esabati nolya li lya Rom. 10:4; Gal. 4:9, 10;
hulithwa po nOmpango yaMoses Kol. 2:16, 17
Ondondo yuuwiliki wopambepo Mat. 23:8-12; 20:25-27;
nomadhinasimaneko gi ikalekelwa Job 32:21, 22
oya puka
Omuntu ine ya po okupitila moevolusi Jes. 45:12; Gen. 1:27;
ihe okwa shitwa Mat. 19:4
Kristus okwa tula po oshiholelwa 1 Pet. 2:21; Heb. 10:7;
shokulongela Kalunga shoka shi John 4:34; 6:38
na okulandulwa
Okuninginithwa mokutulwa kohi Mark. 1:9, 10, NW;
yomeya thiluthilu otaku thaneke Joh. 3:23, NW;
eiyapulo Iil. 19:4, 5, NW
Aakriste ohaya gandja nenyanyu Rom. 10:10; Heb. 13:15;
uunzapo montaneho u na ko Jes. 43:10-12, NW
nasha noshili yopamanyolo
[Ethano pepandja 12]
EVI . . . olya shitwa kuJehova . . . li tonatelwe komuntu . . . li kaliwe sigo aluhe