ONGULUMAMBO MOINTANETA yiileshomwa yopaMbiimbeli
ONGULUMAMBO MOINTANETA
yiileshomwa yopaMbiimbeli
Oshindonga
  • OMBIIMBELI
  • IILESHOMWA
  • OKUGONGALA
  • lfb oshiilongomwa 87 ep. 204-ep. 205 okat. 3
  • Uulalelo waJesus wahugunina

Oshitopolwa shika kashi na okavidio.

Opu na epuko lyasha, okavidio itaka yi komeho.

  • Uulalelo waJesus wahugunina
  • Embo lyandje lyokwiilonga Ombiimbeli
  • Uuyelele wa faathana
  • Moshinyanga shOpombanda
    Embo Lyandje lyOmahokololo gOmbimbeli
  • “Shi ningeni nokudhimbulukwa ndje”
    Oshungolangelo tayi tseyitha uukwaniilwa waJehova—2013
  • Uulalelo wOmuwa owo edhimbuluko ndyoka tali simanekitha Kalunga
    Omalongo gashili gOmbiimbeli ogeni naanaa?
  • Jesus ta kutitha aantu omayuvi
    Embo lyandje lyokwiilonga Ombiimbeli
Tala uuyele wa gwedhwa po
Embo lyandje lyokwiilonga Ombiimbeli
lfb oshiilongomwa 87 ep. 204-ep. 205 okat. 3
Jesus ta dhike po Uulalelo wOmuwa pamwe naayapostoli ye 11

OSHIILONGOMWA 87

Uulalelo waJesus wahugunina

Aajuda oya li haya dhana Opaasa omumvo kehe momasiku 14 gomwedhi Nisan. Oya li hayi ya dhimbulukitha nkene Jehova e ya mangulula muupika muEgipiti e te ya fala kEvi lyEuvaneko. Momumvo 33 E.N., Jesus naayapostoli ye oya li ya dhanene Opaasa mondjugo yopombanda muJerusalem. Pehulilo lyuulalelo, Jesus okwa ti: ‘Gumwe gwomune ota ka gwaaleka ndje.’ Aayapostoli oya li ya kumwa, noye mu pula ya ti: ‘Olye mbela?’ Jesus okwa ti: ‘Oye tuu ngoka tandi mu pe oshipambu shika.’ Opo nduno okwa pe Judas Iskariot oshipambu shoshikwiila. Judas okwa yambuka po nziya e ta yi pondje.

Jesus okwa galikana, e ta pambula oshikwiila nokwe shi pe aayapostoli mboka ya thigala mo. Okwa ti: ‘Taambeni, lyeni, shika otashi thaneke olutu lwandje ndoka tandi ka gandja omolweni.’ Opo nduno okwa galikana e ta kutha oshitenga shomaviinu nokwe shi pe aayapostoli ye. Okwa ti: ‘Nweni omaviinu ngaka, otaga thaneke ombinzi yandje, ndjoka tandi ka gandja, opo oondjo dhaantu dhi dhimwe po. Otandi mu uvanekele kutya otamu ka kala aakwaniilwa pamwe nangame megulu. Kaleni tamu shi ningi omumvo kehe, opo mu dhimbulukwe ndje.’ Aalanduli yaJesus ohaya gongala natango ongulohi ndjoka omumvo kehe. Kunena okugongala hoka ohaku ithanwa Uulalelo wOmuwa.

Konima yuulalelo, aayapostoli oya li ya ludhikathana kutya olye a simana unene e vule yakwawo. Ihe Jesus okwe ya lombwele a ti: ‘Ngoka omukuluntu mokati keni, oongoka i itala ko omushona kuyakwawo, ano inaa simana e vule yakwawo.’

‘One ookuume kandje. Otandi mu lombwele iinima ayihe mbyoka Tate a hala ndi mu lombwele. Masiku otandi yi kuTate megulu. Ne otamu ka thigala po, naantu otaya ka tseya kutya ne aalongwa yandje, ngele omu holathane. Kaleni mu holathane ngaashi naanaa nda kala ndi mu hole.’

Hugunina, Jesus okwa galikana ta pula Jehova a gamene aalongwa ayehe. Okwe mu pula e ya kwathele ya longele kumwe. Okwa galikana edhina lyaJehova li yapulwe. Opo nduno Jesus naayapostoli ye oyi imbile Jehova omaimbilohambelelo noya yi pondje. Ethimbo lyaJesus lyokukwatwa po olya li popepi.

“Inamu tila, ne oshigunda oshishona! Oshoka Ho okwa hala oku mu pa Oshilongo.” — Lukas 12:32

Omapulo: Jesus okwa li u uvanekele aayapostoli ye shike? Jesus okwa li a longo aayapostoli ye iinima yini ya simana, pethimbo lyuulalelo we wahugunina pamwe nayo?

Mateus 26:20-30; Lukas 22:14-26; Johannes 13:1, 2, 26, 30, 34, 35; 15:12-19; 17:3-26

    Ndonga Publications (1987-2025)
    Za mo
    Inda mo
    • Oshindonga
    • Tumina yalwe
    • Hogolola
    • Copyright © 2025 Watch Tower Bible and Tract Society of Pennsylvania
    • Ngele to longitha ongulumambo yetu
    • Uuyelele wiinima yopaumwene
    • Privacy Settings
    • JW.ORG
    • Inda mo
    Tumina yalwe