Kala wu na omukumo

Shoka Jesus a li a ningi

OKAVIDIO: Jesus ta pe omayele omupangeli omugundjuka omuyamba

1. Tala OKAVIDIO, nenge wu leshe Markus 10:17-22. Opo ihe to yamukula omapulo taga landula:

1. Omaukwatya omawanawa geni Jesus a li a mono momupangeli omugundjuka?

2. Omolwashike Jesus a li a pumbwa ohole nosho wo omukumo, opo a pe omayele omulumentu ngoka?

Oshike tatu ilongo koshiholelwa shaJesus?

2. Otwa pumbwa okupopya naakonakoni yetu nohole nopwaa na okuyalila okathima koluko kutya openi ya pumbwa okuninga omalunduluko ya hedhe popepi naJehova.

Holela Jesus

3. Kwathela omukonakonimbiimbeli gwoye a itulile po omalalakano noku ga adha.

1. Longitha oshitopolwa, “Itulila po elalakano” shoka shi li moshileshwa kehe membo Kala nonkalamwenyo ombwanawa sigo aluhe.

2. Kwathela omukonakonimbiimbeli gwoye a itulile po omalalakano ngoka a hala okugwanitha po meni lyethimbo efupi nosho wo monakuyiwa.

3. Kala ho pandula aluhe omukonakonimbiimbeli gwoye, omolwehumokomeho ndyoka a ninga po.

4. Tala kutya omandangalati geni taga imbi omukonakoni a ninge ehumokomeho e to mu kwathele e ga taaguluke.

1. Ipula to ti:

   • ‘Mbela oshike sha kwata omukonakoni gwandje, sho itaa ningi ehumokomeho lyasha a ninginithwe?’

   • ‘Omayele geni taga longo tandi vulu oku mu pa?’

2. Galikana wu kale wu na omukumo, opo wu popye nomukonakoni gwoye nopwaa na okumulila okathima koluko nosho wo momukalo gwopahole kutya okwa pumbwa okuninga omalunduluko geni.

5. Ngele omuntu ita ningi ehumokomeho lyasha hulitha po ekonakonombiimbeli.

1. Opo wu mone ngele omukonakonimbiimbeli gwoye ota humu komeho, ipula omapulo taga landula:

   • ‘Mbela omukonakonimbiimbeli gwandje ota tula ngaa miilonga shoka ti ilongo?’

   • ‘Mbela oha kala ngaa pokugongala noha uvithile yalwe oshili ndjoka ti ilongo?’

   • ‘Ngele okwa kala ta konakona ethimbo ele, okwa hala ngaa okuninga Onzapo yaJehova esiku limwe?’

2. Uuna omukonakonimbiimbeli inaa hala okuninga ehumokomeho:

   • Mu pula kutya oshike tashi mu imbi.

   • Mu yelithila kutya omolwashike itoo tsikile we okukonakona naye, nopwaa na oku mu uvitha nayi.

   • Mu lombwela shoka e na okuninga, manga inaamu tsikile nekonakonombiimbeli.