OMAPULO GAPAMBIIMBELI TAGA YAMUKULWA
Mbela oonakusa oye na ngaa etegameno lyasha?
Omuntu ngele okwa sa okwa fa a kotha, iha kala e shi sha noiha vulu okulonga sha. Ihe nonando ongaaka, Omushiti gwomwenyo ota vulu okuyumudha oonakusa. Opo Kalunga e shi ulike, okwa li a pe Jesus oonkondo dhokuyumudha aantu yi ili noyi ili.—Lesha Omuuvithi 9:5; Johannes 11:11, 43, 44.
Omeityo lini eso tali faathanithwa noomposi?
Kalunga oku uvaneka kutya oonakusa mboka ta dhimbulukwa ote ke ya yumudha ya ka kale muuyuni uupe wuuyuuki. Mboka taya ka yumudhwa otaya kala moombila sigo Kalunga e ya yumudha. Kalunga omunankondoadhihe okwa halelela oku ka yumudha oonakusa.—Lesha Job 14:14, 15.
Eyumuko otali ka ningwa ngiini?
Sho Kalunga ta ka yumudha aantu, otaya ka vula okwiidhimbulula, okudhimbulula ookuume kawo nosho wo yaandjawo. Nonando olutu lwomuntu ohalu olo, Kalunga ota vulu oku mu yumudha nolutu olupe.—Lesha 1 Aakorinto 15:35, 38.
Aantu owala aashona taya ka yumudhwa ya ka kale nomwenyo megulu. (Ehololo 20:6) Aantu oyendji mboka taya ka yumudhwa otaya ka kala nomwenyo mOparadisa kombanda yevi. Otaya ka pewa onkalamwenyo ompe netegameno lyokukala nomwenyo sigo aluhe.—Lesha Episalomi 37:29; Iilonga 24:15.