“Aayifupipiki otaa ka thigulula evi”

Konyala atuheni otwa mona okwaanuuyuuki taku ningwa nonkene aantu mboka haya kambadhala okulonga shoka shu uka nokaaye na ondjo taya hepekwa kaakolokoshi. Mbela okwaanuuyuuki nuukolokoshi onayi ka hule po ngaa?

Episalomi 37 otali gandja eyamukulo notatu adha mo ewiliko ndyoka tali tu kwathele ngashingeyi. Tala shoka tali ti komapulo ngaka ga simana.

• Mbela otu na okwiinyenga ngiini ngele tatu hepekwa? — Ovelise 1, 2.

• Oshike tashi ka ningilwa aakolokoshi? — Ovelise 10.

• Aayuuki otaya ka kala ye na onakuyiwa ya tya ngiini? — Ovelise 11, 29.

• Oshike tu na okuninga ngashingeyi? — Ovelise 34.

Oohapu dha nwethwa mo dhEpisalomi 37 otadhi ulike sha yela kutya mboka yi ‘inekela Omuwa nohaya vulika kiipango ye,’ otaya ka kala nonakuyiwa ombwanawa. Oonzapo dhaJehova otadhi ka kala dha nyanyukwa oku ku kwathela wu konakone Ombiimbeli nowu tseye nkene ngoye noyaandjeni tamu vulu okumona onakuyiwa ndjoka.