(1) Epulo, (2) enyolo (3) nontopolwa

Omukalo omwaanawa okugandja embo Omalongo gashili gOmbiimbeli ogeni naanaa? ogwo (1) okupula etyokosha, (2) okulesha enyolo tali opalele (3) nokuukitha eitulomo kontopolwa yontumba membo ndjoka tayi kundathana oshinima e to lesha omapulo gopetameko ngoka ge li kohi yoshipalanyolo. Ngele omunegumbo oku ulike ohokwe, oto vulu oku mu ulukila nkene ekonakonombiimbeli hali ningwa mokulongitha uutendo wopetameko montopolwa ndjoka. Omukalo nguka otagu vulu okulongithwa okutameka ekonakono uuna to ya pegumbo oshikando shotango nenge uuna to ningi eishunoko.

◼ “Mbela sho to tala, aantu otaya vulu ngaa okutseya Omushiti omunankondoadhihe ngaashi sha popiwa mOmbiimbeli moovelise ndhika?” Lesha Iilonga 17:26, 27 e to tegelele a yamukule. Mu ulukila ontopolwa 1.

◼ “Omolwomaupyakadhi ngoka ge tu taalela kehe siku, mbela otatu vulu ngaa okukala tu na omukumo netegameno ndyoka tali popiwa mpaka?” Lesha Aaroma 15:4 e to tegelele a yamukule. Mu ulukila ontopolwa 2.

◼ “Andola owa li wu na oonkondo oku shi ninga, mbela ando owe eta omalunduluko taga popiwa movelise ndjika?” Lesha Ehololo 21:4 e to tegelele a yamukule. Mu ulukila ontopolwa 3.

◼ “Mbela sho to tala, oyana yetu onaya ka nyanyukilwe ngaa onkalo ndjoka tayi popiwa mpaka?” Lesha Episalomi 37:10, 11 e to tegelele a yamukule. Mu ulukila ontopolwa 3.

◼ “Mbela oohapu ndhika opu na ngaa esiku dhi ka gwanithwe?” Lesha Jesaja 33:24 e to tegelele a yamukule. Mu ulukila ontopolwa 3.

◼ “Mbela sho to tala, oonakusa oya tseya shoka aanamwenyo taya ningi?” Tegelela a yamukule. Lesha Omuuvithi 9:5 e to mu ulukile ontopolwa 6.

◼ “Mbela sho to tala, onatu ka mone ngaa oonakusa yetu aaholike ngaashi Jesus e shi popya moovelise ndhika?” Lesha Johannes 5:28, 29 e to tegelele a yamukule. Mu ulukila ontopolwa 7.

◼ “Ngaashi sha popiwa megalikano lyOmuwa, mbela oshike tashi imbi ehalo lyaKalunga li gwanithwe kombanda yevi ngaashi megulu?” Lesha Mateus 6:9, 10 e to tegelele a yamukule. Mu ulukila ontopolwa 8.

◼ “Mbela sho to tala, otu li methimbo ndyoka tali popiwa mehunganeko ndika?” Lesha 2 Timoteus 3:1-4 e to tegelele a yamukule. Mu ulukila ontopolwa 9.

◼ “Aantu oyendji otayi ipula kombinga yomaupyakadhi gaantu ngoka tagi indjipala. Mbela owi ipula ngaa nale shi na ko nasha naashoka tashi popiwa movelise ndjika?” Lesha Ehololo 12:9 e to tegelele a yamukule. Mu ulukila ontopolwa 10.

◼ “Mbela owa kala nale wa hala okutseya eyamukulo kepulo ngaashi ndika?” Lesha Job 21:7 e to tegelele a yamukule. Mu ulukila ontopolwa 11.

◼ “Mbela oto dhiladhila ngele aantu oya tula miilonga omayele ngaka gOmbiimbeli otage ke ya kwathela ya nyanyukilwe onkalamwenyo muukwanegumbo?” Lesha Aaefeso 5:33 e to tegelele a yamukule. Mu ulukila ontopolwa 14.

Ekonakonombiimbeli otali vulu okulopotwa ngele olya ningwa iikando iyali konima sho omuntu u ulukilwa nkene ekonakono hali ningwa nongele owu wete kutya otali ka tsikila.