Shoka tatu vulu okutya ngele tatu gandja iifo

Oshungonangelo 1 Maalitsa

“Molwaashoka opu na okumona iihuna okundji kunena, aantu oyendji ohaya dhiladhila kutya Kalunga ke na ko nasha nayo. Mbela ngoye oto dhiladhila ngiini [Tegelela a yamukule.] Tala shoka Jehova Kalunga te tu lombwele tu ninge, shoka tashi tu ulukile kutya oku na ko nasha natse. [Lesha 1 Petrus 5:7.] Oshitopolwa shika otashi yelitha kutya omolwashike okumona iihuna ku li po nonkene Kalunga te ke ku hulitha po.” Mu ulukila oshitopolwa shoka shi li pepandja 8.

Awake! Maalitsa

“Atuheni ohatu nyanyukilwa okukala tu na ookuume ye li nawa. Omaukwatya geni wa lenga mukuume koye? [Tegelela a yamukule.] Tala shoka Ombiimbeli tayi ti. [Lesha Omayeletumbulo 17:17.] Oshitopolwa shika oshi na omaetopo nkene omuntu ta vulu okuhogolola ookuume ye li nawa nonkene e na okukala kuume e li nawa kuyalwe.” Mu ulukila oshitopolwa shoka sha tameka pepandja 18.

Oshungonangelo 1 Apilili

“Mbela oto dhiladhila kutya kehe shoka hashi ningwa monkalamwenyo osha nunwa nale? [Tegelela a yamukule.] Tala shoka Ombiimbeli tayi ti kombinga yaashoka. [Lesha Omuuvithi 9:11.] Oshifo shika otashi yelitha kutya nonando Kalunga okwa nunina nale evi onakuyiwa ombwanawa, okwe etha kehe gumwe gwomutse a hogolole onkalamwenyo ndjoka a hala.”

Awake! Apilili

“Aanasikola oyendji oye na omaipulo ogendji. Mbela oto dhiladhila kutya onkalo oya lunduluka okuza pethimbo lyaavali yawo? [Tegelela a yamukule.] Okukala nomaipulo ogendji otaku vulu okweeta iilanduliko iiwinayi. [Lesha Omuuvithi 7:7.] Oshifo shika otashi kundathana nkene aavali taya vulu okukwathela aanona yawo ya pondole okuungaunga nago.”