Shoka tatu vulu okutya ngele tatu gandja iifo

Oshungolangelo 1 Maalitsa

“Kunena aantu yamwe oye na okatongotongo nayamwe ohaya geye mbala. Oshike tashi vulu oku ya kwathela ya ninge omalunduluko? [Tegelela a yamukule. Lesha Aaefeso 4:23-24.] Moshifo shika omu na iiholelwa yayamwe mboka ya kwathelwa kOmbiimbeli ya lundulule onkalamwenyo yawo.” Mu ulukila oshitopolwa shoka tashi tameke pepandja 8-10.

Awake! Maalitsa

“Oyendji oya simaneka Ombiimbeli, ihe ohaya dhiladhila kutya kayi na naanaa ekwatho lyasha kunena. Ngoye oto ti ngiini? [Tegelela a yamukule. E to lesha Aaroma 15:4.] Oshifo shika otashi yelitha kutya omolwashike iitopolwa iikulu yOmbiimbeli yi na oshilonga nokunena.” Mu ulukila oshitopolwa shoka tashi tameke pepandja 28.

Oshungolangelo 1 Apilili

“Mbela sho to tala Ombiimbeli oohapu dhaKalunga nenge pamwe embo owala ewanawa? [Tegelela a yamukule.] Tala shoka Ombiimbeli tayi ti. [Lesha 2 Timoteus 3:16, 17.] Oshifo shika otashi kundathana nkene tatu vulu okuninga etokolo li li mondjila kombinga yoshinima shika nomolwashike sha simana oku li ninga.”

Awake! Apilili

“Kunena aantu oyendji kaye na ethimbo lya gwana okulonga ashihe shoka ya hala. Mbela ito shi zimine? [Tegelela a yamukule.] Oyendji oya mona kutya omayele taga landula otage ya kwathele. [Lesha Aafilippi 1:10.] Oshifo shika otashi gandja omayele taga longo oku tu kwathela tu longithe ethimbo lyetu nawa.”