Shoka tatu vulu okutya ngele tatu gandja iifo

Oshungolangelo 1 Febuluali

“Aantu oyendji oyi itaala kutya oonakusa ohaya tsikile okukala nomwenyo pehala lyontumba. Ngoye oto dhiladhila ngiini? [Tegelela a yamukule.] Tala shoka Ombiimbeli tayi ti. [Lesha Omuuvithi 9:5, 6.] Oshifo shika otashi tu kwathele tu mone kutya oonakusa kaye na shoka ye shi noitaya vulu oku tu kwathela.” Mu ulukila oshitopolwa shoka tashi tameke pepandja 11.

Awake! Febuluali

“Aantu yamwe oyi itaala mOmushiti, omanga yalwe ye wete kutya oku mu itaala kashi li paunongononi nokashi li pandunge. Ngoye oto dhiladhila ngiini? [Tegelela a yamukule.] Ombiimbeli otayi ti kutya eitaalo lyashili olya kankamena keinekelo lya kola. [Lesha Aahebeli 11:1.] Moshifo shika omu na oshitopolwa shoka tashi kundathana shi na ko nasha nuunzapo mboka tawu koleke kutya oku na Omushiti.” Mu ulukila oshitopolwa shoka tashi tameke pepandja 22.

Oshungolangelo 1 Maalitsa

“Aantu oyendji oyi itaala kutya otaya yi megulu ngele ya si. Mbela nangoye osho wi itaala ngawo? [Tegelela a yamukule.] Tala shoka Ombiimbeli tayi ti shi na ko nasha nondjambi ndjoka tayi ka monika kaantu oyendji aawanawa. [Lesha Episalomi 37:29.] Oshifo shika otashi popi kombinga yaamboka taya yi megulu nonokutya otaya ka ninga mo shike.”

Awake! Maalitsa

“Otashi vulika nangoye wu hole okutala eopalo lyuunshitwe ngaashi aantu oyendji. Mbela ito zimine kutya eshito otali ulike kutya olya shitwa noondunge? [Tegelela a yamukule. Lesha Episalomi 104:24.] Oshifo shika oshi na iiholelwa tayi hokitha kombinga yeshito notashi popi kutya otayi tu longo shike.”