Shoka tatu vulu okutya ngele tatu gandja iifo

Oshungolangelo 1 Juni

“Oto shi zimine kutya aantu ayendji kunena ohaya ningile ooyakwawo iinima iiwinayi. Mbela oto dhiladhila kutya oshi li mondjila okushunithila uuwinayi? [Tegelela a yamukule. Lesha Aaroma 12:19, 21.] Oshitopolwa shika otashi tu kwathele tu mone kutya otu na okuningila yalwe uuwanawa pehala lyoku ya shunithila uuwinayi.” Mu ulukila oshitopolwa shoka tashi tameke pepandja 16.

Awake! Juni

“Olundji oongeleka ohadhi futitha aantu shi na ko nasha neshasho, oohango, nosho wo omafumviko. Mbela oto dhiladhila kutya oshi li mondjila? [Tegelela a yamukule.] Tala komalombwelo ngaka Jesus a li a lombwele aalongwa ye. [Lesha Mateus 10:7, 8b.] Oshitopolwa shika otashi ulike shoka Ombiimbeli tayi ti kombinga yokufutitha aantu opo ya ningilwe iinima yopalongelokalunga.” Mu ulukila oshitopolwa shoka tashi tameke pepandja 22.

Oshungolangelo 1 Juli

“Mepingathano nethimbo lyonale, oongeleka odhindji kunena ihadhi popi we kombinga yuulunde. Mbela owi itaala kutya uulunde oshinima kaashi po we nenge kutya oshi li oshinima shoka twa pumbwa okukala tu na ko nasha nasho? [Tegelela a yamukule. Lesha Aaroma 5:12.] Oshifo shika otashi ulike shoka Ombiimbeli tayi ti kombinga yuulunde.

Awake! Juli

“Onkalo yopamahupilo ndjika oya ningitha aantu ya kale ye na omaipulo ogendji. Aantu mboka kaaye na iilonga oyu uvite nayi, naamboka ye yi na ohaya kala tayi ipula kutya pamwe otaye yi kanitha. Mbela oto dhiladhila kutya shika oshi li omayele omawanawa goku tu kwathela tu idhidhimike? [Lesha Mateus 6:34. Tegelela a yamukule.] Oshifo shika otashi gandja omayele nkene tatu vulu okuungaunga nawa nelongitho lyiimaliwa nosho wo nomaiyuvo getu.”