Shoka tatu vulu okutya ngele tatu gandja iifo

Oshungolangelo 1 Desemba

“Aantu yamwe ohaya dhiladhila kutya osha nika uukatalume ngele omulumentu ta lili uuna a silwa. Ngoye oto ti ngiini? [Tegelela a yamukule.] Tala koshiholelwa shomulumentu gumwe ngoka a simana. Lesha Johannes 11:35. Oshifo shika pepandja eti-9 opu na oshitopolwa shoka tashi tu kwathele nkene tatu vulu okuhekeleka mboka ya silwa.”

Awake! Desemba

“Aantu oyendji ohaya pula taya ti: ‘Ngele Kalunga oko e li shili, omolwashike inaa hanagulila po Ondiaboli?’ Mbela nangoye owi ipula nale ngaaka? [Tegelela a yamukule.] Pepandja 10 sigo 11 opu na oshitopolwa shoka tashi yamukula epulo ndyoka. Otashi tu lombwele wo kutya uuyuni otawu ka kala wu li ngiini uuna Ondiaboli tayi ka hulithwa po.” Lesha Ehololo 21:3, 4.

Oshungolangelo 1 Januali

“Aantu oyendji oyi itaala kutya opu na iishitwa iinandunge yi li mehala lyopambepo mbyoka hayi nwetha mo onkalamwenyo yetu. Ngoye oto ti ngiini? [Tegelela a yamukule. Lesha Ehololo 12:7-9.] Oshifo shika otashi popi shoka Ombiimbeli tayi ti kombinga yiishitwa mbyoka yi li mehala lyopambepo, nkene hayi tu nwetha mo, nongele otatu vulu okukala tu na ekwatathano nayo.”

Awake! Januali

Ulukila omuntu epulo ndyoka li li kombanda yoshifo e to pula to ti: “Epulo ndika oto li yamukula ngiini? [Tegelela a yamukule.] Omanyolo otage tu ladhipike tu kale aanambili. [Lesha Jakob 3:17.] Ngele osho shi li ngawo, omolwashike omalongelokalunga inaaga hanganitha aantu? Mbela omalongelokalunga onaga ka e te ngaa ombili? Oshifo shika otashi yamukula omapulo ngoka.”