Shoka tatu vulu okutya ngele tatu gandja iifo

Oshungolangelo 1 Febuluali

“Aantu yamwe ohaya ti kutya Ombiimbeli oya nyolwa owala kaantu. Ngoye oti ngiini, olye a nyola Ombiimbeli? [Tegelela a yamukule.] Tala shoka Ombiimbeli tayi ti. [Lesha 2 Petrus 1:21.] Oshifo shika otashi yamukula epulo ndyoka pepandja 13.” Mu pa oshifo e to ningi elongekidho wu galuke opo mu kundathane ishewe epulo limwe lyomwaangoka ge li pepandja 12-13.

Awake! Febuluali

“Aantu yamwe ohaya dhiladhila kutya Ombiimbeli itayi tsu kumwe nuunongononi, molwaashoka oya nyolwa nale unene. Ngoye oto ti ngiini? [Tegelela a yamukule.] Aantu oyendji ohaya kala ya kumwa kwaashoka Ombiimbeli tayi ti. [Lesha Jesaja 40:22.] Oshitopolwa shoka tashi tameke pepandja 22 otashi yamukula epulo kutya mbela Ombiimbeli nuunongononi otayi kondjithathana?”

Oshungolangelo 1 Maalitsa

“Oondjokana odhindji otadhi teka kunena. Mbela oshike tashi ningitha opo oondjokana dhi teke? [Tegelela a yamukule.] Tala komayele ngoka ga kwathela aaihokani oyendji. [Lesha 1 Aakorinto 10:24.] Oshifo shika otashi kundathana iinima ihamano mbyoka hayi yemateke aasamane naakulukadhi, notashi ulike wo nkene okutula miilonga shoka Ombiimbeli tayi ti haku kwathele.”

Awake! Maalitsa

“Omolwomikithi ndhoka tadhi hepeke aantu oyendji kunena, otatu kundathana nooyakwetu ovelise yOmbiimbeli ndjoka tayi tsu omukumo. [Lesha Jesaja 33:24.] Mbela sho to tala onkalamwenyo otayi ka kala ya tya ngiini, ngele shoka tashi popiwa movelise ndjika osha gwanithwa? [Tegelela a yamukule.] Omanga twa tegelelela Kalunga e ete elunduluko ndyoka, opu na iinima mbyoka atuheni tatu vulu okuninga tu hwepopaleke uukolele wetu. Oshifo shika otashi kundathana iinima mbyoka.”