Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaFebuluali

“Aantu oyendji ohaya ti kutya Ondiaboli oyo hayi etitha iinima iiwinayi mbyoka hayi ningwa muuyuni. Ihe ohaya kala taya ipula kutya: ‘Ondiaboli oya za peni? Mbela oya shitwa kuKalunga?’ Ngoye oto ti ngiini? [Tegelela a yamukule.] Tala shoka tashi popiwa mpaka.” Mu ulukila oshileshwa pepandja lyahugunina mOshungolangelo yaMaalitsa-Apilili e tamu konakona okatendo kotango nenyolo ndyoka lye etwa mo. Mu thigila oshifo e to ningi elongekidho wu shune ko mu ka kundathane epulo lya landula ko.

Oshungolangelo Maalitsa-Apilili

“Otwa hala okuuva kutya oto ti ngiini kombinga yomuntu ngoka a simanekwa kAakriste, kAajuda nokAamoslema. Omuntu ngoka oMoses. Oshike hashi ya tango momadhiladhilo goye ngele owu uvu edhina lye tali tumbulwa? [Tegelela a yamukule.] Nonando okwa li ha ningi omapuko, Ombiimbeli otayi mu popi momukalo omwaanawa. [Lesha Deuteronomium 34:10-12.] Oshifo shika otashi popi omaukwatya ge gatatu omawanawa nankene tatu vulu oku mu holela.”

Febuluali

“Aantu oyendji kunena ohaya tembukile kiilongo yilwe nelalakano lyoku ka konga onkalamwenyo yi li nawa. Mbela shoka ya ka konga ohaye shi mono ngaa? [Tegelela a yamukule.] Etembu kali shi oshinima oshipe. Tala oshiholelwa shika sha popiwa membo lyotango lyOmbiimbeli. [Lesha Genesis 46:5, 6.] Oshifo shika otashi yamukula omapulo ngoka.” Ulukila omunegumbo epulo ndyoka li li pehulilo lyepandja 6.