Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaMei

“Mbela opu na esiku wa li to ipula kutya omolwashike Kalunga e etha uukolokoshi nokumona iihuna yi kale po? [Tegelela a yamukule.] Onda hala oku ku ulukila sha tashi hokitha kombinga yaashoka.” Lesheni pamwe naye uuyelele mboka wu li kohi yokapalanyolo kotango mOshungolangelo yOshiingilisa ye 1 Mei, epandja 16 nosho wo Enyolo limwe mwaangoka ga gandjwa, ihe oohapu dhago inadhi tulwa po. Mu pa oshifo e to ningi elongekidho wu shune ko mu ka kundathane eyamukulo lyepulo lya landula ko.

Oshungolangelo 1 Mei

Lesha Episalomi 37:10, 11 e to pula to ti: “Mbela oohapu ndhika otadhi ka gwanithwa ngaa shili?” [Tegelela a yamukule.] Oshifo shika otashi popi omahunganeko gahamano gOmbiimbeli ngoka taga gwanithwa ngashingeyi, notage tu ulukile kutya ehunganeko ndika oli li pokugwanithwa masiku.

Awake! Mei

“Aantu yamwe ohaya ti kutya aantu oya lunduluka okuza kiinamwenyo. Mbela oshinima shoka oshoshili? [Tegelela a yamukule. Lesha Episalomi 139:14.] Osha yela kutya Omupisalomi okwa li e na ontseyo ya ngambekwa kombinga yolutu lwomuntu. Oshifo shika otashi kundathana iinima mbyoka tu shi nosho wo mbyoka ya yoolola ko aantu kiinamwenyo.”