Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJuli

“Mbela owi ipula ngaa nale kutya elalakano lyaKalunga li na ko nasha nevi olini? [Tegelela a yamukule.] Kalunga okwa popya elalakano ndyoka sho a shitile aaihokani yotango kombanda yevi.” Lesha Genesis 1:28. Pa omunegumbo Oshungolangelo yaJuli-Septemba e tamu lesha pamwe nokukundathana uuyelele mboka wu li pepandja 12. Mu thigila Oshungolangelo e to ningi elongekidho wu galuke opo wu yamukule epulo lya landula ko.

Oshungolangelo 1 Juli-Septemba

Lesha Episalomi 37:10, 11. “Mbela sho to tala euvaneko ndika onali ka gwanithwe ngaa? [Tegelela a yamukule.] Oshifo shika otashi kundathana omahunganeko gahamano ngoka taga gwanithwa ngashingeyi, naashoka oshi li euliko kutya ehunganeko ndyoka li li mEpisalomi nalyo tali ka gwanithwa.”

Awake! Juli

Tumbula onkundana yoshiponga shasha ndjoka tayi dhana onkandangala miifokundaneki. “Mbela omolwashike Kalunga a etha iinima ya tya ngaaka yi kale tayi ningwa? [Tegelela a yamukule.] Ombiimbeli otayi ti kutya Kalunga ohu uvile olukeni mboka taya hepekwa. [Lesha Eksodus 3:7.] Oshifo shika otashi yelitha kutya omolwashike Kalunga e etha okumona iihuna ku kale po nosho wo kutya ote ke ku hulitha po masiku sigo aluhe.”