Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJuli

“Aantu oyendji mboka twa popi nayo oya hala okumona ombili muuyuni. Ihe iita onkene ngaa tayi tsikile. Sho to tala omolwashike ombili ya pumba muuyuni? [Tegelela a yamukule.] Yanuna pepandja 15 lyOshungolangelo Juli-Auguste. Kundathaneni uuyelele mboka wu li kohi yepulo lyotango, e tamu lesha enyolo limwe. Mu thigila oshifo e to ningi elongekidho wu galuke mu kundathane epulo lya landula ko.”

Eetopo ndika oli na okulongithwa pelongekidho lyiilonga yomomapya momasiku 6 gaJuli.

Oshungolangelo Juli-Auguste

“Otatu talelepo aantu moshitopolwa shika notatu kundathana shi na ko nasha nuupyakadhi mboka wu li apuhe. Kunena aantu oyendji oya ninga iihakanwa yokatongo nenge yokayoya. Mbela sho to tala opu na ngaa oshilongo muuyuni moka kaamu na okatongo? [Tegelela a yamukule.] Tala nkene Kalunga ha tala ko aantu ayehe. [Lesha Iilonga 10:34.] Oshifo shika otashi kundathana nkene Kalunga ta ka hulitha po okayoya sigo aluhe.”

Awake! Juli

“Otatu kundathana naashitwa ooyakwetu kombinga yokwaahe na uuyuuki hoka ku li uupyakadhi mboka wetu gwililapo kunena. Aantu yamwe ohaya ningi omakanka, opo ya kondjithe okwaahe na uuyuuki. Mbela sho to tala aantu mboka oye eta po ngaa omalunduluko gasha? [Tegelela a yamukule.] Ombiimbeli oya popya shoka tashi ke eta omalunduluko kombanda yevi. [Lesha Mateus 6:9, 10.] Oshifo shika otashi yamukula epulo kutya mbela okuninga omakanka otaku ka hulitha po ngaa okwaahe na uuyuuki?”

Onkundana ombwanawa ya za kuKalunga

“Otatu talele po aanegumbo moshitopolwa sheni tu kundathane nayo uuyelele wu li mOmbiimbeli mboka tawu ya tsu omukumo. Oyendji mboka twa popi nayo otayi ipula kutya omolwashike Kalunga omunahole e ethele okumona iihuna ku kale po muuyuni. Mbela Kalunga okwa li ngaa a hala aantu ya kale taya mono iihuna?” Tegelela a yamukule. Inda pOshileshwa oshi-5, e tamu lesha nokukundathana uutendo uyali wopetameko nosho wo Omanyolo ngoka ga nyolwa noondanda dhe endama. Pa omuntu okambo, e to ningi omalongekidho mu ye mu kundathane epulo lya landula ko ndyoka lya nyolwa noondanda dha luudhikwa.