Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaKotoba

“Aantu oyendji oyi itaala kutya Kalunga ote ke ya pangula shi ikolelela kiilonga yawo. Mbela sho to tala Esiku lyEpangulo otu na okukala twe li tila nenge otu na okukala twe li tegelela nondjuulukwe? [Tegelela a yamukule.] Tala kwaashoka oshifo shika tashi ti.” Pa omunegumbo Oshungolangelo yaKotoba-Desemba 2012 e tamu kundathana uuyelele kohi yokapalanyolo kotango pepandja 16, e tamu lesha enyolo limwe nenge ge vule po. Mu thigila oshifo e to ningi elongekidho wu shune ko mu ka kundathane epulo lya landula ko.

Oshungolangelo Kotoba-Desemba

Lesha Episalomi 65:2 e to ti: “Aantu oyendji otaya tsu kumwe novelise ndjika kutya Kalunga “ohu uvu omagalikano,” nohaya galikana esiku kehe. Ihe yamwe ohaya kala ya limbililwa kutya ‘ngele Kalunga oko e li shili, omolwashike uuyuni wu udha uupyakadhi?’ Ngoye oto ti ngiini? Mbela oku na ngaa Kalunga ngoka hu uvu omagalikano getu? [Tegelela a yamukule.] Oshifo shika otashi kundathana eyamukulo kepulo ndika: ‘Omolwashike Omuuvi gwomagalikano e etha okumona iihuna ku kale po?’”

Awake! Kotoba

“Aavali oyendji oya hala oyana ya kale ya mona elongo ewanawa. Mbela sho to tala aagundjuka mbono taya mana osikola yongula oyi ilongekidhila tuu omashongo gonkalamwenyo? [Tegelela a yamukule.] Tala kwaashoka Ombiimbeli tayi ti kombinga yesimano lyokukonga owino nosho wo uunongo. [Lesha Omuuvithi 7:12.] Moshifo shika omu na omaetopo gatano omawanawa ngoka taga kwathele aanona ya kale haya pondola mosikola.”