Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaKotoba

“Aantu oyendji ohaya galikana omathimbo nomathimbo. Ihe oyendji oyu uvite kutya Kalunga iha pulakene komagalikano gawo. Sho to dhiladhila oshike tu neni okuninga, opo Kalunga a pulakene komagalikano getu?” Tegelela a yamukule. Mu ulukila efo lyokombanda lya huguninalela lyOshungolangelo yaSeptemba-Kotoba. Kundathaneni pamwe uuyelele mboka wu li kohi yepulo etiyali, e tamu lesha enyolo limwe mwaangoka ge etwa po. Mu pa oshifo e to ningi elongekidho wu galuke.

Oshungolangelo Septemba-Kotoba

“Aantu oyendji kunena oye hole unene okutala omathano giipala. Onda hala okuuva kutya ngoye oto tile ngiini oshinima shoka. Mbela Kalunga oha kala u uvite ngiini uuna aantu taya tala omathano giipala? [Tegelela a yamukule.] Jesus okwa popya nkene Kalunga ha kala u uvite. Lesha Mateus 5:27. Oshifo shika otashi popi kutya omolwashike Kalunga a tala ko omathano giipala ga nyata. Otashi tu pe wo omayele ngoka tage ke tu kwathela, opo tu hulithe po oku ga tala.”

Awake! Kotoba

“Onda hala okuuva edhiladhilo lyoye kombinga yepulo ndika: Mbela otatu vulu ngaa okukala tu na ombili notwa gwanenwa, nonando katu na omaliko ogendji? [Tegelela a yamukule.] Tala shoka Ombiimbeli tayi ti. [Lesha 1 Timoteus 6:8.] Oshifo shika otashi tu kwathele tu kale tu na ondjele miinima yopamaliko notashi kundathana iinima itatu ya simanenena mbyoka iimaliwa itaayi vulu okulanda.”