Mbela owu na okuzimbuka?

Uuna tatu kutha ombinga miilonga yomomapya, aauvithi yamwe oye na ondjigilile okuzimbuka pethimbo lyontumba, tashi vulika poyimwe. Oshoshili kutya oonkalo dhayamwe otashi vulika tadhi ya ningitha ya ze mo muukalele pethimbo lyokondandalunde. Ihe mbela owu na ethimbo lyontumba lyokuzimbuka muukalele, molwaashoka owala yalwe mboka to longo nayo taya zimbuka nenge molwaashoka shi li omukalondjigilile gwomoshitopolwa sheni? Mbela ito vulu okutsikila okulonga muukalele e to kala to gandja uunzapo mepandaanda nando okuli? Mbela ito vulu okuninga eishunoko limwe nenge gaali manga inoo ya kegumbo? Dhiladhila owala kutya uuwanawa wu thike peni omuntu ngoka u ulika ohokwe ta ka mona ngele owe mu adha mo ishewe megumbo nenge ngele owa gandja oshifo shimwe nenge yi vulithe po kwaamboka taya piti po. Okukala kaatu na ethimbo lyokondandalunde lyokuzimbuka, hatu kala muukalele ethimbo ele, oko omukalo gwokugwedha ko ‘komahambelelondjambo’ getu. — Heb. 13:15, NW.