Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaApilili

“Aantu oyendji ohaya ti kutya Ondiapoli oyo hayi etitha iinima iiwinayi muuyuni. Ihe ohaya kala tayi ipula taya ti: ‘Mbela Ondiapoli oya za peni? Mbela Kalunga oye e yi shita?’ Ngoye oto ti ngiini? [Tegelela a yamukule.] Tala kwaashoka oshifo shika tashi ti.” Mu ulukila oshitopolwa shi li konima yoshifo shaMaalitsa-Apilili e tamu kundathana okatendo kotango nenyolo ndyoka lye etwa po. Mu thigila oshifo e to ningi elongekidho wu shune ko mu ka kundathane epulo lya landula ko.

Oshungolangelo Maalitsa-Apilili

“Aantu oyendji oyi itaala kutya ngele omuntu a si ke na we siku tu ke mu mone. Ngoye oto ti ngiini? [Tegelela a yamukule.] Onda hala oku ku ulukila kutya Kalunga oha tala ko ngiini aasi. [Lesha Mateus 22:31, 32.] Kalunga oku shi shi lelalela kutya ota ka yumudha aasi, nomolwaashono he ya tala ko ya fa ye na omwenyo. Oshitopolwa shika shi li pepandja 7 lyoshifo shika otashi popi muule kombinga yelalakano lyaKalunga ndyoka.”

Awake! Apilili

“Momagumbo ogendji muuyuni, aantu ohaya longelathana omuyonena. Yamwe ohaya ti kutya shoka hashi ningitha omuntu a longele mukwawo omuyonena eputuko lye, onkalo yomegumbo sho ta putuka nosho wo ngele oha kutha ombinga momainyanyudho gaantu taya longo omiyonena. Ngoye sho to tala, mbela oshike hashi ningitha aantu ya ningathane nayi momagumbo? [Tegelela a yamukule.] Ombiimbeli otayi tu ulukile nkene omukulukadhi nomusamane gwe ye na okukala. [Lesha Aaefeso 5:33.] Oshifo shika otashi popi nkene oondjokana dhontumba dha li pokuteka, ihe aaihokani oya kaleke po oondjokana dhawo mokutula miilonga omakotampango gOmbiimbeli.”