“Megumbo ke mo ishewe!”

Mbela opu na oshikando shimwe wa popile ngaaka kombinga yagumwe ngoka a li u ulike ohokwe? Nokuli nando owa kala nokuninga oonkambadhala wu mu talele po iikando niikando, iho vulu okutekela oombuto dhoshili ndhoka wa kuna. (1 Kor. 3:6) Omathimbo gamwe, aauvithi mboka ya pyokoka ohaya nyolele ontumwafo ngoka ihaaya adha mo megumbo, nenge ya thige okambapila ye ke mu nyolela momweelo gwegumbo lye. Aauvithi yamwe ohaya dhiladhila kombinga yomukundu ngoka gwokwaaha adha omuntu megumbo ngele ya shuna kuye onkee ohaye mu pula onomola ye yongodhi, tashi vulika ye mu pule kutya, “Oho tumu omatumwalaka nongodhi?” Otatu vulu okuyalula eishunoko ngele otwa talele po omuntu ishewe nenge twe mu pe uunzapo okupitila montumwafo, mo-e-mail, moku mu tumina etumwalaka nongodhi, uuna twe mu thigile okambapila twe ke mu nyolela pomweelo gwe, nenge twe mu dhengele ongodhi. Nonando iha kala olundji pegumbo, otatu vulu tu tsikile oku mu ningitha a kale e na ohokwe.