Natu kale hatu tsaathana omukumo nuulaadhi tu longe uuwanawa

Aahebeli 10:24 otaye tu ladhipike “tu kwathathaneni [‘tu tsaathaneni omukumo ftn., NW] mokuholathana nomokulongelathana uuwanawa.” Otatu vulu okutsa aamwatate omukumo okupitila miiholelwa yetu nosho wo mokuhempulula eitaalo lyetu. Hokololela yalwe megongalo iimoniwa yoye iiwanawa. Naya mone nkene wu na enyanyu mokulongela kwoye Jehova. Yanda wo okwiiyelekanitha nayo nenge nayalwe. (Gal. 6:4) Kala ho longitha oonkondo dhoye wu tse yalwe omukumo “mokuholathana nomokulongelathana uuwanawa,” ihe haku ya ningitha ya longe iilonga iiwanawa shaashi yu uvite ondjo. (Tala membo Ofikola yOukalele, ep. 158, okat. 4.) Ngele otwa kala tu holathane, nena okulongela yalwe uuwanawa ngaashi oku ya pa sha nenge oku ya uvithila otaku ka landula ko. — 2 Kor. 1:24.