Okuhwepopaleka Uunkulungu Wetu Muukalele — Thigila omuntu sha shoka tamu ya mu kundathane oshikando tashi landula

OMOLWASHIKE SHA SIMANA?:

Otwa hala okutekela oombuto dhoshili dhoka twa kuna. (1Kor 3:6) Uuna twa mono gumwe ngoka tu ulike ohokwe, oshi li nawa oku mu pula epulo ndyoka tatu ya tu li kundathane naye sho tatu ka galuka. Shika otashi ke mu kwathela a kale e tu tegelela notashi ka ningitha eishunoko lyetu li kale epu noli na ekankameno. Sho tatu shuna ko, natu mu lombwele kutya otwe mu e tela eyamukulo kepulo lye ndyoka a li a pula oshikando sha zi ko.

NKENE TATU VULU OKU SHI NINGA:

• Sho tatu ilongekidhile omafalomo getu gegumbo negumbo, natu kwatele mo omapulo gomaishunoko ngoka tatu ka yamukula petalelopo tali landula. Otashi vulika wu longithe oshinima shoka sha yamukulwa moshileshomwa shoka we mu pa. Nenge wu longithe omapulo ngoka ga yamukulwa miileshomwa yetu yokukonakonwa shoka wa hala oku ke mu tseyithila sho to ka shuna ko kuye.

• Uuna to hulitha oonkundathana nagumwe ngoka u ulika ohokwe, mu lombwela kutya omolwashike wa hala okupopya naye ishewe noku mu pula epulo ndyoka to ya mu kundathane moshikando tashi landula. Ngele otashi vulika ne ku pe onomola ye yongodhi.

• Uuna wa ti oto galuka pethimbo lyontumba, shi ninga. — Mat 5:37.