Nkene to vulu okugandja omatyokosha omawanawa

Omatyokosha omawanawa ohaga tungu egongalo. (Rom 14:19) Mboka haye ga gandja ohaya mono mo wo uuwanawa. (Omayel 15:23, 28) Onkee ano, natu kambadhale okugandja etyokosha pokugongala kehe kutya nduno limwe. Odhoshili kutya itatu ka pewa ompito tu yamukule ethimbo kehe tatu ganeke. Onkene, oshi li nawa tu ilongekidhe omayamukulo ogendji.

Etyokosha ewanawa . . .

• epu okuuviwa ko, olya yela noli li paufupi. Poompito odhindji, otali vulu okugandjwa meni lyoosekonde 30.

• ohali kala ewanawa unene, ngele we li gandja niitya yoye mwene

• inali pumbwa okukala tali endulula shoka sha popiwa nale kugumwe

Ngele owa pewa ompito yokuyamukula tango . . .

• gandja eyamukulo epu okuuviwa ko nolyuukilila epulo

Ngele epulo olya yamukulwa nale, oto vulu . . .

• okupopya nkene enyolo ndyoka lye etwa mo tali tsu kumwe naashoka tashi kundathanwa

• okupopya nkene shoka tamu kundathana sha guma onkalamwenyo yetu

• okuyelitha nkene uuyelele mboka tawu kundathanwa tawu vulu okutulwa miilonga

• okupopya paufupi oshimoniwa shoka tashi tsu omuthindo oshitsa shoka sha simana