Taamba ko yalwe nombili

Oolye wu na okutaamba ko nombili? Kehe gumwe te ya kokugongala kutya nduno omupe nenge oha gongala shito. (Rom 15:7; Heb 13:2) Otashi vulika a kale omuuvithi ta talele po okuza koshilongo shilwe nenge ngoka ini ipyakidhila we. Ando ongoye wu li moonkalo ndhoka, oto kala wu uvite ngiini? Mbela ito ka pandula, ngele owa popithwa nombili? (Mat 7:12) Onkee ano, kambadhala wu popithe aantu mOshinyanga shUukwaniilwa, manga okugongala inaaku tameka nongele kwa piti mo. Shika ohashi humitha komeho enyanyu nombepo yohole nohashi simanekitha Jehova. (Mat 5:16) Otashi vulika kaatu popye naantu ayehe mboka ye ya kokugongala. Ihe kehe gumwe ota ka kala u uvite a taambiwa ko, ngele atuhe otwa ningi oonkambadhala.a

Katu na owala okutaamba ko yalwe nombili poompito dhi ikalekelwa, ngaashi pEdhimbuluko, ihe opoompito adhihe. Ngele mboka aape oya mono nkene tatu ulukilathana ohole, otashi vulika shi yi inyengithe ya hambelele Kalunga noku mu longela pamwe natse. —  Joh 13:35.