Ladhipika omuuvithi ngoka ini ipyakidhila we

Etiyali, mo 11 Apilili, aauvithi oyendji mboka inayi ipyakidhila we otaye ke ya kEdhimbuluko. Oya tamekele methigathano lyoku ka mona omwenyo, ihe ngashingeyi otaya matuka kashona, omolwomatompelo gi ili nogi ili. Gamwe oga popiwa mokambo Galukila kuJehova. (Heb 12:1) Nonatango oye na ongushu momeho gaJehova, ngoka e yi ilikolele neso lyOmwana. (Iil 20:28; 1Pet 1:18, 19) Ongiini tatu vulu oku ya kwathela ya galuke?

Aakuluntugongalo ohaye ya kongo noku ya kwathela, ngaashi omusita ha kongo nuudhiginini onzi ndjoka ya kana. (Luk 15:4-7) Shika otashi ulike esiloshimpwiyu lyaJehova lyopahole. (Jer 23:3, 4) Atuheni otatu vulu okuladhipika mboka inayi ipyakidhila we, ihe haakuluntugongalo owala. Oonkambadhala dhetu dhokuulika olukeno nuukwawo wanankali, ohadhi nyanyudha Jehova notadhi ke tu petha omayambeko. (Omayel 19:17; Iil 20:35) Onkee ano, tala kutya olye to vulu okuladhipika. Shi ninga neendelelo!

TALA OKAVIDIO, LADHIPIKA MBOKA INAAYI IPYAKADHILA WE, E TO YAMUKULA OMAPULO TAGA LANDULA:

• Onkatu yini Abbey a katuka, sho a tsakanene nOnzapo ndjoka kee shi?

• Omolwashike tu na okuya kaakuluntugongalo, ngele otwa hala okukwathela ngoka ini ipyakidhila we?

• Abbey okwa li i ilongekidha ngiini a ka talele po Laura oshikando oshitiyali?

• Abbey oku ulike ngiini uudhiginini, eidhidhimiko nohole, pethimbo ta kambadhala okuladhipika Laura?

• Methaneko lyaJesus ndyoka li li muLukas 15:8-10, otatu ilongo mo shike?

• Oonkambadhala adhihe ndhoka dha ningwa, opo Laura a kwathelwe, odhe eta omalaleko nuuyamba geni?