“Shono Kalunga e shi tula kumwe . . . ”

Pampango yaMoses omulumentu ngoka ta dhiladhila okuhenga po omukadhi, okwa li a tegelelwa a nyole onzapo yehengo. Shoka osha li shi imbi aantu kaaye endelele okuteya oondjokana dhawo. Ihe pethimbo lyaJesus, aawiliki yomalongelokalunga oya li ye shi ninga oshipu kaantu okwiihenga. Aalumentu oya li taya vulu okuhenga po aakulukadhi yawo omolwetompelo kehe. (“onzapo yehengo” uuyelele wokukonakonwa wa kankamena kuMark 10:4, nwtsty; “ta henge po omukiintu gwe,” “ota hondele” uuyelele wokukonakonwa wa kankamena kuMark 10:11, nwtsty) Jesus okwa li a popi oshili kutya ondjokana oya totwa po noya tulwa po kuJehova. (Mark 10:2-12) Omusamane nomukulukadhi oye na okuninga “omuntu gumwe” mondjokana ndjoka yi na okukalelela. Mehokololo lyaMateus lya faathana naandika, etompelo lyopamanyolo lyokwiihenga, olyo “oluhondelo.” — Mat 19:9.

Aantu oyendji kunena inaya tala ko ondjokana ngaashi Jesus, ihe ongaashi Aafarisayi ya li ye yi tala ko. Uuna pwa holoka uupyakadhi, aantu muuyuni ohaye endelele okwiihenga. Ihe aaihokani Aakriste ihaya ningi ngaaka, oya tala ko egano lyawo lyondjokana li li oshinima sha kwata miiti nohaya kambadhala okukandula po omaupyakadhi taya longitha omakotampango gOmbiimbeli. Konima yokutala okavidio, Ohole nesimaneko ohayi hanganitha aanegumbo, yamukula omapulo ngaka:

• 

  Ongiini to vulu okutula miilonga Omayeletumbulo 15:1 mondjokana yeni, nomolwashike sha simana?

• Ongiini to vulu okuyanda omaupyakadhi mokutula miilonga Omayeletumbulo 19:11?

• Ngele ondjokana yeni itayi ende we nawa, pehala lyokudhiladhila mu ihenge, omapulo geni mu na okwiipula?

• Ongiini to vulu okukala omusamane nenge omukulukadhi e li nawa, ngele owa tula miilonga Mateus 7:12?