OMALIKO OKUZA MOOHAPU DHAKALUNGA | LUKAS 8–9
Opo tu landule Jesus, otwa pumbwa okuninga shike?
Opo omupululi a pulule oofoola dhu ukilila ke na okukala ta tala konima. Sha faathana, Omukriste ke na okweetha a piyaganekwe kiinima mbyoka a thiga po muuyuni. — Fil 3:13.
Uuna twi iyadha momaudhigu, oshipu tu kale tatu dhiladhila sho ‘omavi ga li omayamba,’ tashi vulika manga inaatu ya moshili. Uuna tatu dhiladhila ngawo, olundji ohatu kala tu wete twa li twa nyanyukwa monakuziwa nokaatu na omaupyakadhi ogendji. Aaisraeli osho ya ningile sho ya zi muEgipiti. (Num 11:5, 6) Ngele otwa kala tatu dhiladhila ngawo, otatu vulu okumakelwa tu shune konkalamwenyo yetu yonale. Oshihwepo tu kale tatu dhiladhila komalaleko nuuyamba ngoka tu na ngashingeyi e tatu gandja eitulomo kwaashoka tatu ka nyanyukilwa kohi yUukwaniilwa! — 2Kor 4:16-18.