Ohatu ulike ohole mokwaambidhidha egeeloputudho lyaJehova

Okukondwa ohaku gamene egongalo nohaku putudha aayoni mboka inaayi iyela ombedhi. (1Kor 5:6, 11) Ohatu ulike ohole, ngele ohatu ambidhidha egeeloputudho lyaJehova ndyoka. Ohole ndjono otatu ke yi ulika ngiini, ngele okukondwa ohaku uvitha nayi ayehe mboka ya kwatelwa mo, aakwanezimo nosho wo aakuluntugongalo?

Ohatu ulike kutya otu hole Jehova noinatu hala okunyateka edhina lye notwa simaneka shoka sha yogoka momeho ge. (1Pet 1:14-16) Ohatu ulike wo kutya otu hole omuntu ngoka a kondwa. Nonando egeeloputudho ohali tu sitha oluhodhi, mboka taye li pewa otaya ka ‘mona ombili notaya kala aayuuki.’ (Heb 12:5, 6, 11 yelekanitha NW) Otatu ka ya egeeloputudho lyaJehova moshipala ngele ohatu endathana nomuntu ngoka a kondwa nenge ngoka i iteta ko kegongalo. Dhimbulukwa kutya Jehova oha gandja egeeloputudho momukalo ‘gwe eleka.’ (Jer 30:11, OB-1954) Sho tatu ambidhidha egeeloputudho lyaJehova nokukala twi ipyakidhila noku mu longela, ohatu kala tu na einekelo kutya omuntu ngoka a kondwa ota ka galukila kuTate gwetu omunahenda. — Jes 1:16-18; 55:7.

TALA OKAVIDIO KALA OMUDHIGININI KUJEHOVA NOMUTIMA GWOYE AGUHE, E TO YAMUKULA OMAPULO NGAKA:

• 

  Aavali Aakriste ohaya kala yu uvite ngiini ngele omwana okwa thigi po Jehova?

• 

  Egongalo otali vulu ngiini okwaambidhidha iilyo yuukwanegumbo mbyoka iidhiginini?

• 

  Ehokololo lini lyomOmbiimbeli tali tu longo kutya okukala aadhiginini kuJehova okwa simana ku vule okukala aadhiginini kuyaandjetu?

• 

  Ongiini tatu vulu okukala aadhiginini kuJehova shi vulithe puyaandjetu?