Egeeloputudho oli li euliko kutya Jehova oku tu hole

Egeeloputudho olya kwatela mo omalombwelo nelongo, ihe olya kwatela mo wo okupukulula nokuganda. Jehova ohe tu pe egeeloputudho, opo tu vule oku mu longela momukalo ngoka a hokwa. (Rom 12:1; Heb 12:10, 11) Omathimbo gamwe ohashi kala oshidhigu okutaamba ko egeeloputudho, ihe ohali tu ningitha tu kale aayuuki notu yambekwe kuJehova. (Omayel 10:7) Mboka haya gandja egeeloputudho naamboka taye li pewa oye na okudhimbulukwa shike?

Omugandji. Aakuluntugongalo, aavali nosho yalwe ohaya ningi ngaashi taya vulu ya gandje uutekuvuliko nohenda nopahole ngaashi Jehova ha ningi. (Jer 46:28) Egeeloputudho ndyoka lya kwata miiti nalyo oli na okugandjwa li ikolelela konkalo nopahole. — Tit 1:13.

Ngoka te li pewa. Kutya nduno egeeloputudho otatu li pewa momukalo gwa tya ngiini, inatu li tinda ihe natu kambadhale tu li tule miilonga meendelelo. (Omayel 3:11, 12) Molwaashoka inatu gwanenena, atuheni otwa pumbwa egeeloputudho ndyoka hatu pewa momikalo dhi ili nodhi ili. Egeeloputudho otatu vulu oku li pewa okupitila mwaashoka hatu lesha mOmbiimbeli nenge tu li uve pokugongala. Omathimbo gamwe yamwe oya pumbwa okupewa egeeloputudho kokomitiye yopampangu. Ngele otwa taamba ko egeeloputudho noku li tula miilonga, otatu ka kala nonkalamwenyo yi li nawa notatu ka kala nomwenyo sigo aluhe. — Omayel 10:17.

TALA OKAVIDIO “OMUWA OHA GEELE KEHE NGOKA E HOLIKE KUYE,” E TO YAMUKULA OMAPULO NGAKA:

• 

  Onkalamwenyo yaCanon oya li yi li ngiini petameko, noya ka lunduluka ngiini?

• 

  Egeeloputudho lini lyopahole a pewa kuJehova?

• 

  Moshimoniwa she otatu ilongo mo shike?