Aavali, longeni aanona yeni shoka ya pumbwa okutseya

Otu li muuyuni moka aantu ya tala ko uuwanawa owo uuwinayi, nuuwinayi owo uuwanawa. (Jes 5:20) Shiyemateka, aantu yamwe ohaya ningi iinima mbyoka Jehova e tonde, ngaashi eihumbato inaali yogoka pokati kaantu yuukashikekookantu wa faathana. Oomakula kosikola nenge yalwe, otashi vulika ya kambadhale okuheka aanona yetu aaholike ya ninge shoka taya ti. Ongiini to vulu okulongekidha aamwoye ya sinde eshongo ndyoka nagalwe ga fa ndyoka nomupondo?

Longa aamwoye omithikampango dhaJehova. (Lev 18:3) Kala ho ya longo shoka Ombiimbeli tayi kombinga yomilalo, shi ikolelela komimvo dhawo. (Deut 6:7) Aavali ipuleni kutya: ‘Mbela onda longa ngaa aamwandje shi na ko nasha nokuulika ohole momukalo gu uka, esimano lyokuzala omizalo dhi shi okutalwa nosho wo kutya yalwe oya pumbwa okusimaneka iinima yawo yopaumwene? Mbela aamwandje oye shi ngaa shoka ye na okuninga po uuna gumwe ta kambadhala oku ya ulukila omathano giipala, nenge te ya pula ya ninge oshinima shoka Jehova ta ti osha puka?’ Oku ya longa kuyele, otashi ke ya kwathela ya yande omaupyakadhi ogendji. (Omayel 27:12; Omuuv 7:12) Sho to longo aamwoye, oto ulike kutya owu hole omagano goye ngoka ge na ongushu ga za kuJehova. — Eps 127:3.

TALA OKAVIDIO TUNGA EGUMBO TALI KALELELE — GAMENA AAMWOYE ‘KIINIMA IIWINAYI,’ E TO YAMUKULA OMAPULO NGAKA:

• 

  Omolwashike yalwe haya ongaonga okulonga oyana kombinga yomilalo?

• 

  Omolwashike aavali ye na okuputudhila ‘oyana mevuliko nomekumagidho lyOmuwa?’ — Ef 6:4 yelekanitha OB-1954.

• 

  Ehangano lyaJehova olya pa aavali shike, shoka tashi ya kwathele ya longe oyana kombinga yomilalo? — w19.05 ep. 12, oshimpungu

• Omolwashike sha simana okukala hamu kundathana naanona yeni, omanga inaaya ya momaupyakadhi ga kwata miiti?