Gameneni ondjokana yeni

Jehova okwa tala ko egano lyondjokana li li oshinima sha kwata miiti. Okwa ti omusamane nomukulukadhi naya kakatele kumwe. (Mat 19:5, 6) Moshigwana shaKalunga omu na oondjokana odhindji dhi shi okuholelwa. Ihe kapu na ondjokana ihaayi holoka uupyakadhi. Inatu kala tu na etaloko ndyoka li li apuhe kunena kutya ngele aaihokani oye na uupyakadhi, nena okutopoka nenge okuhengana okwo ekandulopo lyomukundu. Aaihokani Aakriste otaya vulu ngiini okugamena ondjokana yawo?

Tala kiinima itano ya simana.

1. Gamena omutima gwoye mokuyanda iinima ngaashi okudhana nomaiyuvo gagulwe nosho wo omainyanyudho inaaga yogoka, oshoka iinima mbyoka ohayi ningitha owala ondjokana yi kale inaayi kola. — Mat 5:28; 2Pet 2:14.

2. Koleka ekwatathano lyoye naKalunga nokukala wa hala oku mu nyanyudha mondjokana yeni. — Eps 97:10.

3. Tsikila okuzala omuntu omupe nokuulika olukeno nomiinima iishona, mbyoka tayi ningitha onkalamwenyo yakuume koye yi kale ompu. — Kol 3:8-10, 12-14.

4. Kaleni hamu kundathana nawa tamu shi ningi nesimaneko. — Kol 4:6.

5. Igwanithilii po omilalo tamu shi ningi nohole. — 1Kor 7:3, 4; 10:24.

Uuna Aakriste taya simaneke ondjokana, ohaya simaneke Omutotipo gwayo, Jehova.

TALA OKAVIDIO NATU “MATUKENI NEIDHIDHIMIKO” — VULIKA KOOMPANGO DHOMETHIGATHANO, E TO YAMUKULA OMAPULO NGAKA:

• 

  Nonando ondjokana oyi tameke yi li nawa, omashongo geni tashi vulika ga holoke po?

• 

  Omakotampango gOmbiimbeli otaga vulu ngiini okukwathela mboka yu uvite kutya mondjokana yawo kamu na ohole?

• 

  Jehova okwa tula po oompango dhini tadhi kwathele ondjokana?

• Opo ondjokana yi kale yi li nawa, aaihokani oye na okuninga shike?