UVITHA NUULAADHI MUUKALELE | GWEDHA KO KENYANYU LYOYE MUUKALELE
Longitha iilongitho yetu yokukonga omauyelele
Jehova okwe tu pa iilongitho mbyoka tatu vulu okulongitha mokulonga aantu nomupondo, ngaashi uuvidio, uufo, iifo, uumbo, omambo nosho wo oshilongitho dhingi, Ombiimbeli. (2Tim 3:16) Okwe tu pa wo iilongitho yokukonga omauyelele, mbyoka tayi vulu oku tu kwathela tu yelithe nawa Omanyolo. Iilongitho mbyoka oya kwatela mo o-Watchtower Library®, opolohalama JW Library®, ONGULUMAMBO YOKOINTANETA nosho wo Embo lyokukonga uuyelele lyOonzapo dhaJehova.
Oto ka mona enyanyu, sho to kongo omaliko gopambepo mOmbiimbeli, to longitha iilongitho ayihe mbika. Kwathela aakonakoni yoye ya kale ye shi okulongitha iilongitho mbika. Shoka otashi ke ya kwathela ya kale wo ya nyanyukwa, mokumona omayamukulo gomapulo gopaMbiimbeli ngoka ye na.
TALA OKAVIDIO MONA ENYANYU NDYOKA HALI ZI MOKUNINGA AANTU AALONGWA — TAAMBA KO EKWATHO LYAJEHOVA — IILONGITHO YOKUKONGA OMAUYELELE, E TO YAMUKULA OMAPULO TAGA LANDULA:
Jade okwa popi shike kombinga yeshito?
Niita okwa adha peni uuyelele kombinga yoshikundathanwa shoka?
Okumona mo iitsa yontumba mOmbiimbeli noku yi topolelathana nayalwe, ohashi tu etele enyanyu
Okwa hogolola ngiini uuyelele mboka wo opalela Jade?
Niita okwa mono mo ngiini uuwanawa mokulongitha iilongitho yetu?