Taamba ko ekwatho lyaJehova okupitila megalikano

Jehova oye ha menitha nokukokitha ombuto yoshili momutima gwomuntu. (1Kor 3:6-9) Onkee ano, opo tu pondole miilonga yokuuvitha, otwa pumbwa okukala tu na einekelo muJehova e tu kwathele nosho wo aakonakonimbiimbeli yetu.

Pula Jehova ekwatho a kwathele aakonakonimbiimbeli yoye yi idhidhimikile omathiminiko noya sinde omamakelo. (Fil 1:9, 10) Kala ho popi iinima kondandalunde. Mu galikana e ku pe ombepo ondjapuki yi wilike omadhiladhilo goye noonkatu dhoye. (Luk 11:13) Longa aakonakoni yoye nkene ye na okugalikana, e to ya ladhipike ya kale haye shi ningi. Galikana pamwe nayo nokuya kwatela mo, to tumbula omadhina gawo.

TALA OKAVIDIO MONA ENYANYU NDYOKA HALI ZI MOKUNINGA AANTU AALONGWA — TAAMBA KO EKWATHO LYAJEHOVA — EGALIKANO, E TO YAMUKULA OMAPULO TAGA LANDULA:

• Eshongo lini Niita a li a tsakaneke mokukonakona kwe naJade?

• Aakorinto yotango 3:6 oya kwathele ngiini Niita?

• Eshongo lyaNiita olya kandulwa po ngiini?