Kwathela aakonakonimbiimbeli yoye ye ethe po omikalondjigilile inaadhi yogoka

Mboka ya yogoka pamikalo, oyo owala taya vulu okunyanyukilwa ekwatathano lyopothingo naJehova. (1Pet 1:14-16) Sho aakonakonimbiimbeli taya etha po omikalondjigilile omiwinayi, otashi vulika wo shi ke ya etele uuwanawa palutu, pashimaliwa nosho wo muukwanegumbo.

Ya yelithila omithikampango dhaJehova dhopamikalo, omatompelo gadho nosho wo uuwanawa mboka hawu zi moku dhi landula. Gandja eitulomo mokukwathela aakonakoni yoye ya lundulule okudhiladhila kwawo, opo nduno otaya ka vula okuninga shoka Jehova a hala. (Ef 4:22-24) Ya shilipaleka kutya kekwatho lyaJehova, otaya vulu okweetha po okuninga iinima iiwinayi mbyoka ya li yi igilila. (Fil 4:13) Ya longa okukala haya indile Jehova, uuna ya adhika komahalo gokuyona. Ya kwathela ya ndhindhilike mo oonkalo ndhoka tadhi vulu oku ya makela noku dhi yanda. Ya ladhipika ya kale haya longo shoka tashi vulu oku ya etela uuwanawa, pehala lyokulonga iinima iiwinayi. Oto ka kala wa nyanyukwa, sho to tala aakonakoni yoye taya pondola mokuninga omalunduluko kekwatho lyaJehova.

TALA OKAVIDIO KWATHELA AAKONAKONIMBIIMBELI YOYE YE ETHE PO OMIKALONDJIGILILE INAADHI YOGOKA, E TO YAMUKULA OMAPULO NGAKA:

• 

  Aakuluntugongalo naNiita oyu ulike ngiini kutya oye na omukumo muJade?

• 

  Niita okwa li a tsikile ngiini okukwathela Jade?

• 

  Jade okwa li a kongo ngiini ekwatho kuJehova?