Kwathela aakonakonimbiimbeli yoye ya kale ye na ekwatathano naJehova

Jehova okwa hala tu mu longele, molwaashoka tu mu hole. (Mat 22:37, 38) Ohole yokuhola Kalunga oyo tayi ka kwathela aakonakoni ya ninge omalunduluko noya vule okwiidhidhimikila omamakelo. (1Joh 5:3) Ohole yawo yokuhola Kalunga oyo tayi ke ya inyengitha ya ninginithwe.

Kwathela aakonakoni yoye ya mone kutya Kalunga oku ya hole. Ya pula omapulo ngaashi: “Shika otashi ku longo shike kombinga yaJehova?” nenge “Shika otashi ulike ngiini kutya Kalunga oku ku hole?” Ya kwathela ya mone nkene Jehova te ya kwathele pauhandimwe. (2Ondjal 16:9) Ya lombwela nkene Jehova a yamukula omagalikano goye gokondandalunde noku ya ladhipika ya mone nkene ta yamukula omagalikano gawo. Oto ka kala wa nyanyukwa, sho wu wete aakonakoni yoye ye uvite kutya oye holike kuJehova naasho taya ulike kutya oye mu hole noya hala a ninge kuume kawo kopothingo.

TALA OKAVIDIO KWATHELA AAKONAKONIMBIIMBELI YOYE YA KALE YE NA EKWATATHANO NAJEHOVA, E TO YAMUKULA OMAPULO NGAKA:

• 

  Endangalati lini Jade a li a tsakaneke?

• 

  Niita okwa li a kwathele ngiini Jade?

• 

  Jade okwa li a vulu ngiini okutaaguluka endangalati ndyoka?